Հովիկ Աբրահամյանի եղբորորդին ազատ է արձակվել
ՌԴ իրավապահների կողմից հետախուզվող, օրեր առաջ բերման ենթարկված, ՀՀ նախկին վարչապետ Հովիկ Աբրահամյանի եղբոր որդին՝ Հովհաննես Աբրահամյանն ազատ է արձակվել:Այս մասին մեր հարցին ի պատասխան՝ ասացին ՀՀ ոստիկանության լրատվականից:
Մեր ճշտող հարցին ի պատասխան ոստիկանությունից նշեցին, որ հետախուզումը նախաձեռնողի կողմից խափանման միջոց ընտրված չի եղել այդ պատճառով էլ նա ազատ է արձակվել:
ՀՀ ոստիկանություն ավելի վաղ տեղեկացրել էր, որ սեպտեմբերի 1-ին՝ ժամը 10-ին, ոստիկանության քրեական հետախուզության գլխավոր եւ Արարատի մարզային վարչությունների աշխատակիցների ձեռնարկած համատեղ միջոցառմամբ հայտնաբերվել և ՔՀԳ վարչություն է բերման ենթարկվել Արարատի մարզի Մխչյան գյուղի բնակիչ Հովհաննես Աբրահամյանը։
Նա հուլիսի 24-ից հետախուզվում էր ՌԴ իրավապահների կողմից, ՌԴ քրեական օրենսգրքի 266․1 հոդվածի 1-ին մասի՝ մաքսանենգության մեղադրանքով։
Հովհաննես Աբրահամյանին հայտնաբերելու մասին հայտնվել է հետախուզումը նախաձեռնողին եւ ՀՀ գլխավոր դատախազությանը:
