Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին          Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը       Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը    

18 սեպ 2018 19:50

Հոկտեմբերից թանկացումների նոր ալիք կլինի

Հայաստանում թանկացումների նոր ալիք է սպասվում: Հոկտեմբերի 1-ից ալյուրն ու ցորենը Վրաստանի մաքսային տարածք ներկրելու կամ Վրաստանի մաքսային տարածքից արտահանելու համար թույլատրվելու է միայն երկաթգծի միջոցով և ծովային տրանսպորտով:Հայաստանը ցորեն ներկրում է ՌԴ-ից, Վրաստանի տարածքով: Այս որոշման արդյունքում մոտ 30 տոկոսով կթանկանա ցորենը և դրանից ստացվող արտադրանքը:
Հայաստանի նոր իշխանությունները փորձեցին պայմանավորվածություն ձեռք բերել Վրաստանի հետ, որպեսզի հայ ներկրողները կարողանան ցամաքային ճանապարհով ցորեն ներկրել, կամ վրացական երկաթուղուց օգտվեն որոշակի զեղջերով, սակայն այս պահին դեռևս չկա պայմանավորվածություն և ամենայն հավանականությամբ Վրաստանը չի ընդառաջի Հայաստանի այս հարցում:
Հոկտեմբերից թանկացումներ կլինի նաև գյուղմթերքի շուկայում: Հայաստանում բացօթյա պայմաններում արտադրվող գյուղմթերքի ծավալները պակասում են՝ եղանակային պայմաններից ելնելով ու արտադրողները չեն կարողանալու ապահովել շուկայի պահանջարկը: Այս պահին էլ շուկայի պահանջարկը չի ապահովվում և դա է պատճառը, որ անցյալ տարի 200-300 դրամ արժեցող լոլիկը, վարունգը այս տարի արժեն 700-900 դրամ:
Այս պահին իշխանությունները  չունեն խնդրի լուծման մեխանիզմներ և չեն կարողանում կարգավորել շուկան: Թանկացումների շքերթը կշարունակվի, եթե մինչև դեկտեմբեր Հայաստանի կառավարությունը չկարողանա պայմանավորվածություն ձեռք բերել Ռուսաստանի իշխանությունների հետ և գազի սակագնի բարձրանա: Այս դեպքում գնաճը շխթայական կլինի, քանի որ գազը օգտագործվում է Հայաստանի տնտեսության գրեթե բոլոր ոլորտներում:

Մեկնաբանություններ


Համընկնող լուրեր