Միհրան Պողոսյանը սպառնո՞ւմ է.Ցանկացած չհիմնավորված խոսք, պիտակավորում և սպառնալիք չի հանդուրժվելու.տեսանյութ

Հիշեցնենք, որ երեկ Փաշինյանը խորհրդարանում զգուշացրեց, որ օրենքի կողմից խիստ հակահարված կստանան բոլոր այն պատգամավորները, ովքեր կփորձեն ժողովրդին հայհոյել կամ վիրավորել։ Դա այն բանից հետո, երբ Ազգային ժողովի ԵԼՔ խմբակցության ղեկավար Լենա Նազարյանը Փաշինյանից հետաքրքրվեց՝ արդյո՞ք վերջինս տեղյակ է, որ երեկ ԱԺ ՀՀԿ-ական պատգամավոր Միհրան Պողոսյանը երեկոյան հանրահավաքից հեռացող քաղաքացիներին հայհոյել է, եւ եթե տեղյակ է՝ ի՞նչ քայլեր են ձեռնարկվելու այդ ուղղությամբ։ Լենա Նազարյանը նշեց, որ դրա վերաբերյալ կա նաեւ տեսանյութ: 

Պատգամավորին գրգռել էր վարչապետ Նիկոլ Փաշինյանի այն հայտարությունը, որ նախօրեի միջադեպը վկայում է, թե ուժային կառույցները որոշ դեպքերում լավ չեն կատարել իր հրահանգը, որ որոշ օլիգարխների և նրանց թիկնապահների պետք է պառկեցնել ասֆալտին։ Եթե այդ հրահանգը պատշաճ կատարված լիներ, երեկվա միջադեպը չէր լինի։ Համոզված եմ` նրանք բաց թողածն անպայման կլրացնեն։ Հիշեցնենք, որ վարչապետը պատասխանել է Լենա Նազարյանի այն հարցին, թե տեղյա՞կ է արդյոք, որ պատգամավոր Միհրան Պողոսյանն ու նրա հետ եղած մարդիկ ԱԺ-ից դուրս գալուց հետո հայհոյանքներ են հնչեցրել քաղաքացիների հասցեին։ Փաշինյանը հայտնեց, թե այս դեպքի առթիվ քննություն է կատարվում, և եթե իրավապահները պարզեն, որ Միհրան Պողոսյանն իսկապես այդպիսի պահվածք է ցուցաբերել, կնշանակի, որ նա լավ չի հասկանում, թե ինչ է կատարվում նոր ստեղծված իրավիճակում, ինչպես նաև խիստ հակահարված կստանա օրենքի կողմից։

Կարելի է ենթադրել, որ Պողոսյանը, կարծես թե «զգուշացրել է». «Ամենայն պատասխանատվությամբ հայտարարում եմ, որ ցանկացած չհիմնավորված խոսք, առավել, պիտակավորում և սպառնալիք չի հանդուրժվելու՝ անկախ նրանից, թե ով է դրանց հեղինակը՝ շարքային քաղաքացի, բարձրաստիճան պաշտոնյա, թե երկրի վարչապետը»։

Միհրան Պողոսյանը հաշվի չի առել, որ առկա են տեսանյութեր