Մաղթում եմ մեզ բոլորիս, որ մոտ ապագայում մեր առյուծ բանակը ձեռք բերի առյուծ ղեկավարներ          Եռաբլուր ենք եկել, մեր խոնարհումը բերենք զnhված մեր զավակների hիշատակին, աղոթելու մեր հայրենիքի խաղաղ ու ապահով կյանքի համար       Հայկական բանակն այն կառույցն է, որը պատշաճ ուշադրության պայմաններում առաջինը կարող է շտկել իր ողնաշարը ու վերականգնվել    

Մամուլի Տեսություն / Քաղաքականություն

17 հոկ 2018 11:22

Բուն հեղափոխությունը սկսվեց իր ռազմավարական, խորքային ռիսկերով

Բուն հեղափոխությունը սկսվեց իր ռազմավարական, խորքային ռիսկերով«Ժամանակ» թերթը գրում է.
«Նիկոլ Փաշինյանը երեկ հայտարարեց իր հրաժարա­կանի մասին, և Հայաստանը թևակոխեց, այսպես ասած, ժամանակավոր կառավար­ման շրջան, խորհրդարանի երկշաբաթյա լուծարման փուլ, որը, խոշոր հաշվով, պահվում է, այսպես ասած, քաղաքա­կան համաձայնությունների վրա: Մյուս կողմից՝ քաղաքա­կան համաձայնություններն էլ, իրենց հերթին, պահվում են հասարակության այն վստահության քվեի վրա, որ ունի Նիկոլ Փաշինյանը: Կամ այլ կերպ ասած՝ այդ քաղաքա­կան համաձայնությունը պահ­վում է թավշյա հեղափոխու­թյան փաստի վրա, որն էլ ուղ­ղակի այլընտրանք չի թողել քաղաքական ուժերին, քան համաձայնել դեկտեմբերին արտահերթ ընտրություն անե­լու հանրային օրակարգին:
Այս իրավիճակում դարձյալ հրատապ են հնարավոր ռիս­կերն ու վտանգները, որոնց մասին խոսվում է նախկին հա­մակարգի, այսպես ասած, ռևանշի կամ հակահեղափոխու­թյան առումով:
Սակայն դար­ձյալ պետք է վերադառնանք ելման կետ, այսինքն՝ թավշյա հեղափոխության կայացման փաստին: Եթե այդ փաստը կա, ապա ռիսկերն ու վտանգ­ները, ըստ էության, ենթակա են այդ փաստին, և ոչ թե հակառակը:
Իսկ արդյո՞ք թավշյա հեղա­փոխության փաստը կախված էր կամ ենթակա էր Նիկոլ Փաշինյանի վարչապետի պաշ­տոնից: Դարձյալ պետք է պարզ նայենք իրողությունների և դեպքերի հաջորդակա­նությանը: Նիկոլ Փաշինյանն է թավշյա հեղափոխության ար­դյունքում դարձել վարչապետ, ոչ թե Նիկոլ Փաշինյանի վարչապետության արդյունքում է տեղի ունեցել թավշյա հեղա­փոխությունը: Իսկ ներկա­յումս, թեև Փաշինյանը հրա­ժարական է ներկայացնում, սակայն պահպանում է վար­չապետի պաշտոնակատարի կարգավիճակը, այսինքն՝ թե­կուզ այդ կարգավիճակով, սակայն կառավարման համա­կարգը ենթարկվում է Նիկոլ Փաշինյանին:
Սակայն, այս ամենով հան­դերձ, գլխավորը դարձյալ այն է, որ գործնականում ամեն ինչ ենթարկվում է թավշյա հեղա­փոխության տրամաբանու­թյանը և գոյությանը: Եվ հենց դրա համար էր նաև, որ անհ­րաժեշտ էր գործընթացն իրա­կանացնել հնարավորինս շուտ, քանի որ մայիս-հունիսին բավական բարդ է կան­խատեսել, թե ինչ տրանսֆոր­մացիաների ենթարկված կլի­ներ իրավիճակը ամենատար­բեր գործոնների բերումով, արդյունքում դժվար է ասել, թե մենք ինչպիսի հեղափոխական երաշխիք կունենայինք: Եվ այդժամ առաջանում էին ար­տահերթ ընտրությունը հենց հեղափոխության արդյունքին համահունչ ապահովելու մեծ վտանգներ և ռիսկեր:
Միով բանիվ, չունենք և չենք կարող ունենալ 100 տոկոս երաշխավորված իրավիճակ, երբեք, և այս մասին, իհարկե, շատ ենք խոսել: Սակայն միա­ժամանակ նաև պետք է նկա­տել, որ այս իրավիճակը թերևս ամենաերաշխավորվածն է, եթե դիտարկենք բոլոր հնա­րավոր ներքին ու արտաքին բաղադրիչների ամբողջու­թյան համադրության ու այսպես ասած՝ ներդաշնակության մեջ: Ըստ էության, Հայաստանն ավարտում է թավ­շյա հեղափոխությունը: Այլ կերպ ասած՝ հեղափոխությունը սպառվելու տարբերակից գերադասվում է հեղափոխու­թյունն ավարտելու տարբերա­կը, կիսատ չթողնելու տարբե­րակը: Հայաստանում սկսվում է քաղաքական զարգացման նոր փուլ, բնականաբար՝ ար­դեն իր ռազմավարական, խորքային ռիսկերով և բնականաբար՝ ահռելի հնարավո­րություններով»,-գրում է թերթը:
Նյութն ամբողջությամբ կարդացեք թերթի այսօրվա համարում:
  • Մեկնաբանություններ: 0

Մեկնաբանություններ


Համընկնող լուրեր

  • Փաշինյանը շահեկան վիճակում է. չկա այն «թարմ ուժը», որը հեշտությամբ կտապալի նրան.«Իրատես» Փաշինյանը շահեկան վիճակում է. չկա այն «թարմ ուժը», որը հեշտությամբ կտապալի նրան.«Իրատես»
  • Փաշինյանը «պահեստային» ուժ է ստեղծում, որը հնարավոր կտրուկ զարգացումների ժամանակ իր համար վահան կհանդիսանա.«Փաստ» Փաշինյանը «պահեստային» ուժ է ստեղծում, որը հնարավոր կտրուկ զարգացումների ժամանակ իր համար վահան կհանդիսանա.«Փաստ»
  • Փաշինյանը՝ հեղափոխական տեխնոլոգիայի պատանդ.եթե երբևէ նվազի նրա լեգիտիմությունը, ստիպված կլինի հեռանալ իշխանությունից.«Ժամանակ» Փաշինյանը՝ հեղափոխական տեխնոլոգիայի պատանդ.եթե երբևէ նվազի նրա լեգիտիմությունը, ստիպված կլինի հեռանալ իշխանությունից.«Ժամանակ»
  • Սամվել Բաբայանի շնորհիվ կբացահայտվեն նախկին համակարգի որոշակի շերտեր.նոր իշխանությո՞ւնն է նրան ուղղորդել. «Ժամանակ». Սամվել Բաբայանի շնորհիվ կբացահայտվեն նախկին համակարգի որոշակի շերտեր.նոր իշխանությո՞ւնն է նրան ուղղորդել. «Ժամանակ».
  • «Ժամանակ». ՀՀԿ-ն քաշում է բոլորին դեպի ճահիճ «Ժամանակ». ՀՀԿ-ն քաշում է բոլորին դեպի ճահիճ
  • Վարչապետի հրաժարականը. ում է անցնում իշխանությունը Վարչապետի հրաժարականը. ում է անցնում իշխանությունը
  • ՀՀԿ-ն գնում է արտահերթի ՀՀԿ-ն գնում է արտահերթի
  • Նիկոլ Փաշինյանը չի վախենում «հակահեղափոխությունից».Փաշինյանի դիպուկ նախաբանը օգոստոսի 17-ից առաջ Նիկոլ Փաշինյանը չի վախենում «հակահեղափոխությունից».Փաշինյանի դիպուկ նախաբանը օգոստոսի 17-ից առաջ
  • Իրավապահները քանդում են. «կուռքերի» թիրախավորումը Իրավապահները քանդում են. «կուռքերի» թիրախավորումը
  • Նիկոլ Փաշինյանի կարեւոր հայտարարությունը.«Ժամանակ» Նիկոլ Փաշինյանի կարեւոր հայտարարությունը.«Ժամանակ»