18:13 - Իրավապահները «ենթադրյալ կասկածանքով» գործարարին իջեցրել են ավտոմեքենայից.Բաց նամակ ՀՀ վարչապետ Նիկոլ Փաշինյանին         17:20 - Տեսանյութ. Տուժող կողմը շատ մեղք մարդիկ են, խեղճուկրակ,ժողովրդին խաբել են, սա է պրոբլեմը. Ռոբերտ Քոչարյանի պաշտպան      16:56 - Քաղաքական ապտակը ցավոտ է լինելու, խելքի արի, սա քեզ վերջին զգուշացումն է. Իշխան Սաղաթելյանը՝ Արայիկ Հարությունյանին    

03 նոյ 2018 10:02

«Հրապարակ».«Սերժ Սարգսյանը մեզ քցեց». նա իր տեղը տաք նստած՝ կուսակիցներին նորից ուղարկում է մարտի դաշտ

«Հրապարակ».«Սերժ Սարգսյանը մեզ քցեց». նա  իր տեղը տաք նստած՝ կուսակիցներին նորից ուղարկում է մարտի դաշտ«Հրապարակ» օրաթերթը գրում է. «ՀՀԿ գրասենյակում այս օրերին ակտիվ եռուզեռ է։ Կուսակցական վերնախավը զբաղված է ցուցակ գրելով։ Բանակցում են նաեւ ոչ ՀՀԿ-ական հայտնի դեմքերի հետ, որ ներառեն իրենց ցուցակում։ Բայց, ինչպես տեղեկացանք, ՀՀԿ-ականներից ոչ բոլորն են համաձայն կամ ցանկանում են հանուն ՀՀԿ-ի գնալ նման ինքնազոհողության եւ առաջադրվել ռեյտինգային ընտրակարգով։ Հատկապես, որ կա նախկին փորձը, երբ շատերը միլիոններ ծախսեցին եւ այդպես էլ ԱԺ չանցան։ Այս մասով խուլ դժգոհություն կա ՀՀԿ-ականների շրջանում, որ «Սերժ Սարգսյանն իրենց քցեց»՝ իր անձնական ամբիցիաների պատճառով տապալելով Ընտրական օրենսգիրքը։ Հիմա նա իր տեղը տաք նստել է եւ իր կուսակիցներին նորից ուղարկում է մարտի դաշտ։ Իսկ ՀՀԿ-ից այսօր մարտի ստիպված են գնալ ոչ թե փողատերերն ու հեղինակությունները, այլ ինտելիգենտ ջահելները, որոնք ձայն բերելու փորձ չունեն։ Մյուս կողմից՝ այն ՀՀԿ-ական պատգամավորները, որոնք թիմին չեն դավաճանել՝ անցնելով «հակառակորդի» կողմը, դժգոհում են․ «Վերջին մի քանի ամսում ինչ թուքումուր ասես` կերանք հանուն ՀՀԿ-ի ու Սերժ Սարգսյանի, հիմա թող մեզ համար անցողիկ տեղ ապահովեն ցուցակում, ոչ թե ռեյտինգայինով «ժերտվա» տան»։ Ի դեպ, շատերը հաջորդ ԱԺ մտնում են զուտ սոցիալական խնդիր լուծելու առումով, քանի որ, որքան էլ զարմանալի է, ՀՀԿ-ում էլ կան պատգամավորներ, որոնց համար պատգամավորի բարձր աշխատավարձն ապահովություն է եւ բարեկեցություն։
Ավելի մանրամասն՝ թերթի այսօրվա համարում: 


Մեկնաբանություններ

Համընկնող լուրեր