22:00 - Օրվա խորհուրդ. դեկտեմբերի 16-17         21:30 - Տեսանյութ.Կոլումբացի պատգամավորները հարաբերություններ են պարզել՝ գործընկերների վրա առնետներ նետելով      21:15 - Ո՞ր պահին են Կենդանակերպի նշանները հասկանում, որ սիրահարվել են    

21 նոյ 2018 16:16

Տեսանյութ.Ամեն կերպ փորձում են ընկերությանը սնանկացման տանել, ինչո՞ւ է թույլատրվում ապօրինի գործել «Ալ տրանսին»

Տեսանյութ.Ամեն կերպ փորձում են ընկերությանը սնանկացման տանել, ինչո՞ւ է թույլատրվում ապօրինի գործել «Ալ տրանսին»Հայացք մամուլի ակումբում «Գալակտիկա տրանս սերվիս» ՍՊԸ-ի տնօրեն Շուշանիկ Խաչատրյանը և փաստաբան Գուրգեն Գրիգորյանը խոսեցին Երևան-Արմավիր երթուղային գծի հետ կապված խնդիրների մասին:
 
Բանախոսները նշեցին, որ «Գալակտիկա տրանս սերվիս» ՍՊԸ-ի  կողմից իրականացվող Երևան-Արմավիր երթուղային գծի հետ կապված խնդիրներն արդեն 9 տարի է լուծում չեն ստանում, իսկ վերջին ամիսներին վիճակն էլ ավելի է սրվել:
Տվյալ երթուղով ապօրինի կերպով ուղևորափոխադրումներ են իրականացնում այլ կազմակերպություններ, որոնց անօրինական եղանակով թույլատրվել է սպասարկելու Երևան-Մեծամոր, Երևան-Մյասնիկյան, Երևան-Ջանֆիդա և Երևան-Նալբանդյան երթուղիները: 
Այդ երթուղիները սպասարկող կազմակերպությունները, ուղևորափոխադրումներ են իրականացնում չվացուցակներից դուրս՝ փաստացի իրականացնելով Երևան-Արմավիր երթուղով ուղևորափոխադրումներ, որով վնասներ են հասցնում «Գալակտիկա տրանս սերվիս» ՍՊԸ-ին:  
 
Փաստաբան Գուրգեն Գրիգորյանը  նշեց, որ բազմիցս դիմումներ են ներկայացրել տարբեր պատկան մարմիներին, ՀՀ Տրանսպորտի, կապի և ՏՏ նախկին և ներկայիս նախարարներին: Երևանի Մալաթիայի քննչական բաժնում հարուցվել և քննվում է քրեական գործը: Ոստիկանության Արմավիրի մարզի Արմավիրի բաժնում նյութեր են նախապատրաստվել, սակայն իրավիճակը չի փոխվել. «Առհասարակ որևէ միջոց չի ձեռնարկվել օրենքով սահմանված կարգով հարցին լուծում տալու համար.«Արդեն 9 տարի է ինչ խնդիրներ են առաջացել, բայց վերջին շրջանում հիմնարկը հայտնվել է շատ ծանր իրավիճակում, և պատճառն այն է, որ Երևան-Արմավիր-Երևան գծում առանց թույլտվության, ապօրինի կերպով շուրջ 40 մեքենա է աշխատում, որոնք ոչ թույլտվություն ունեն, ոչ տենդեր են շահել: Նրանք սպասարկում են Երևան-Արմավիր-Երևան ուղեգիծը՝ վնաս պատճառելով «Գալակտիկա տրանս սերվիս» ՍՊԸ-ին: Դիմել ենք նախկին ու ներկա իշխանություններին՝ վերաբերմունքը զրո է: Կարծես ամեն կերպ փորձում են ընկերությանը սնանկացման տանել: Հիմա հարուցվել է քրեական գործ, և այն 8 ամիս է՝քննվում է: Դեռ արդյունք չկա: 
Վարչապետին, Գլխավոր դատախազին, ոստիկանապետին դիմելուց հետո նյութեր հազիվ նախապատրաստվեցին, չնայած արդեն արձանագրել էին, որ Ավտոկայանում ապօրինի մեքենաներ են աշխատում, որոնք արդեն 100-ավոր միլիոնների վնաս են պատճառել  «Գալակտիկա տրանս սերվիսին, ինչպես նաև պետությանը՝ քանի որ ապօրինի են գործում: Իսկ, թե ինչո՞ւ է թույլատրվում ապօրինի գործել «Ալ տրանսին» մտածելու լուրջ տեղիք կա»,-նշեց Գուրգեն Գրիգորյանը:
 
«Գալակտիկա տրանս սերվիս» ՍՊԸ-ի տնօրեն Շուշանիկ Խաչատրյանն էլ ասաց, որ արդեն 9 տարի է պայքարում է այս անօրինականության դեմ.«Հիմնարկն ուզում են խլել, մենք հիմա սնանկացման եզրին ենք: Երբևէ չի եղել, որ 44 մեքենա աշխատի մի գծում: «Ալ տրանսին» անօրինական է տրվել այդ թույլտվությունը: Ի՞նչ իրավունքով են գիծ մտցրել: 
Տրանսպորտի և կապի նախարարություն ես դիմում՝ մեկ հարցի վերաբերյալ երեք տարբեր պատասխաններ են տալիս: Հարցնում ես տեսչությունն ո՞ւր է, գալիս-ասում են՝ խելոք մնա, քեզ կտուգանենք:
Կառավարության դիմաց վարորդների բողոքի ակցիայից հետո միայն թույլ տվեցին, որ դեղին համարներն օգտագործվեն, սակայն սպասարկել  չեն թույլ տալիս: 
Ինչո՞ւ ոչ մեկին չի հետաքրքրում, որ չգրանցված մեքենաներ են գործում և հարկ չեն վճարում: Կարող եմ ասել որ ոչինչ չի փոխվել և բեսպրեդել է տիրում: 
 
Կարծես թե նոր նախարարն է ինչ-որ քայլեր փորձում անել, միայն նա է վերջերս ինձ ընդունել, լսել: Ուրախ կլինեմ, որ գտնի նախարարությունում աշխատող չինովնիկներին ու դաժան պատժի: Նմանները նաև Ավտոկայանում կան»,-նկատեց Շուշանիկ Խաչատրյանը:
Ամբողջական ասուլիսը Hayacq.com-ի տեսանյութում


loading...

Մեկնաբանություններ

Համընկնող լուրեր