Վրաստանը, Մոլդովան, Ադրբեջանը, Հայաստանը եւ Ուկրաինան չեն կարողանում զարգանալ ՌԴ-ի պատճառով. Մերկել
Գերմանիան «չի կարող աչքերը փակել» այն հանգամանքի վրա, որ Ռուսաստանի հարեւանությամբ գտնվող երկրները չեն կարողանում այնպես զարգանալ, ինչպես կցանկանային: Այս մասին հայտարարել է Գերմանիայի կանցլեր Անգելա Մերկելը Բեռլինում տեղի ունեցած գերմանա-ուկրաինական տնտեսական համաժողովի ժամանակ, փոխանցում է NOI.md-ն:Մերկելն ասել է, թե այնպիսի երկրները, ինչպիսին են Վրաստանը, Մոլդովան, Ադրբեջանը, Հայաստանը եւ Ուկրաինան, չեն կարողանում զարգանալ Հարավային Օսիայում, Մերձդնեստրում, Լեռնային Ղարաբաղում եւ Ուկրաինայի արեւելքում սառեցված հակամարտությունների պատճառով:
«Գերմանիայում մենք չենք կարող դրա վրա աչք փակել»,- ասել է Անգելա Մերկելը:
