Գիտնականները քնի տևողությունը քննությունները բարեհաջող հանձնելու գրավական են համարել
Բեյլորի համալսարանի հոգեբանները պարզել են որքանով է օգտակար քունը՝ քննություններին նախապատրաստվելու ընթացքում: Հետազոտության արդյունքները հրապարակվել են «Teaching of Psychology» և «Journal of Interior Design» ամսագրերում:Աշխատանքի հիմքում եղել է այն կարծրատիպը, որ քննություններին նախապատրաստվելիս կարելի է զոհաբերել քունը՝ ավելի լավ պատրաստվելու համար:
Փորձում ներգրավվել են երկու ուղղությունների՝ հոգեբանություն և դիզայն ուսումնասիրող ուսանողներ: Նրանք պետք է քննություններից մեկ շաբաթ առաջ օրական 8 ժամ քնեին:
Հետազոտության արդյունքների համաձայն, երկու խմբերի մասնակիցներն էլ ավելի շատ միավորներ են վաստակել, քան նրանք, ովքեր անտեսել էին քնի նշանակությունը:
Այսպիսով, գիտնականներն ապացուցել են, որ առողջ ութ ժամ տևողությամբ քունն անհրաժեշտ է նոր գիտելիքների հեշտ յուրացման և քննությունները բարեհաջող հանձնելու համար:
