Մոսկվայում ռեկորդային ցուրտ է գրանցվել
Լույս հունվարի 23-ի գիշերն ամենացուրտն է դարձել ամսվա սկզբից ի վեր. ջերմաստիճանը Մոսկվայում ԺՏՆՑ-ի կայարանում իջել է մինչեւ մինուս 19,8 աստիճան, սակայն եղանակին չի հաջողվել գերազանցել 1892 թվականի ռեկորդը: Այդ մասին ՏԱՍՍ-ին հայտնել է Հիդրոօդերեւութաբանական կենտրոնի տեղագրական կենտրոնի պետ Անատոլի Ցիգանկովը:«Մոսկվայում ԺՏՆՑ-ի կայարանում ջերմաստիճանն իջել է մինչեւ մինուս 19,8 աստիճան, իսկ Չերուստիում այսօր գիշերը եղել է մինուս 27,8: Ավելի ցուրտ եղել է միայն 1892 թվականի հունվարի 23-ին, երբ ջերմաստիճանը մայրաքաղաքում իջել է մինչեւ մինուս 38»,-ասել է նա: Նա նշել է, որ հունվարի 24-ի եւ 25-ի առաջիկա գիշերները նույնպես սառնամանիք կլինի Մոսկվայում, ջերմաչափի սյունը կարող է իջնել մինչեւ մինուս 20 եւ ավելի ցածր:
