17:00 - Իրանի նախագահն Իսրայելին և ԱՄՆ-ին մեղադրել է երկրում անկարգությունների կազմակերպման մեջ         16:25 - Տեսանյութ. Նոր Հաճնում հողին հանձնեցին գազի թունավորումից մահացած ընտանիքին      16:15 - Գարեգին Նժդեհի մասին վարչապետի գիտելիքներն ու կցկտուր պատասխաններն արդեն անընդունելի են    

29 հուն 2019 18:30

40 տարին չբոլորած տղամարդկանց մորուք պահելու համար վտարում է սպառնում

40 տարին չբոլորած տղամարդկանց մորուք պահելու համար վտարում է սպառնումԹուրքմենստանում արդեն երկար ժամանակ է՝ գործում է չգրված օրենք, համաձայն որի՝ 40 տարին չբոլորած տղամարդկանց չի թույլատրվում մորուք պահել:

Ինչպես գրում է «Хроника Туркменистана» պարբերականը, այս օրերին մայրաքաղաք Աշխաբադում մորուքների դեմ պայքարի քարոզարշավը նորից է ակտիվացել:

Ոստիկանությունը փողոցներում կանգնեցնում է չսափրված երիտասարդներին, տեղափոխում տեղամաս և պահանջում սափրվել: Որոշ դեպքերում երիտասարդներին բաց թողնելու դիմաց գումար են պահանջում, իսկ չհաստատված տվյալներով՝ ստորացնում կամ ծեծի են ենթարկում:

Բերման ենթարկվածներից մեկը պատմել է պարբերականի թղթակցին, թե ինչպես է պետավտոտեսուչը կանգնեցրել իր մեքենան, և, տեսնելով, որ 40 տարեկան չկա, հայտարարել է, որ մորուք պահելն օրինական չէ: Նրանից վերցրել են վարորդական իրավունքը և ուղեկցել ոստիկանական տեղամաս՝ հայտնելով, որ մինչև մորուքը չսափրի, վկայականը ետ չի ստանա: Տղամարդը ենթարկվել է:

Հայտնի է, որ ցանկացած տարիքի աշխատող տղամարդու, ընդ որում՝ ոչ միայն պետական հիմնարկներում ու կազմակերպություններում, մորուք պահելու համար վտարում է սպառնում:



Մեկնաբանություններ

Համընկնող լուրեր