17:00 - Իրազեկում քաղաքացիներին. Պարտապանի աշխատավարձի վրա բռնագանձում կատարելու հիմքերը և կարգը         16:42 - Առերեւույթ չարաշահումներ՝ Շենգավիթ վարչական շրջանի 5 մանկապարտեզներում. հարուցվել է քրգործ.կեղծ գրառումներ      16:25 - Տեսանյութ. Էլթոն Ջոնը կորցրել է ձայնը համերգի ժամանակ, սկսել է խռխռալ դաշնամուրի մոտ նստած    

15 մար 2019 13:43

Գիշերային ակումբները, կարաոկեները թող Էրեբունիում ու Շենգավիթում բացեն

Գիշերային ակումբները, կարաոկեները թող Էրեբունիում ու Շենգավիթում բացենԻնձ անհանգստացնող հանգամանքն այն է, որ քրեական գործ է հարուցվել խուլիգանության հատկանիշներով, ուզում եմ հասկանալ` ընդդիմացողներից, ցուցարարներից ովքեր էին  իրականում սրճարանների աշխատողներ, ովքեր` հրահրողներ: Այս մասին լրագրողների հետ զրույցում ասաց Կենտրոն վարչական շրջանի ղեկավար Վիկտոր Մնացականյանը:
«Փորձել են մեր վերականգնման ակցիային տալ քաղաքական երանգներ, ինչ-որ բաներ են հնչեցրել, ինչ-որ բաներ են գոռացել: Շատ ցավում եմ, որ այս գեղեցիկ ակցիան, որ ուզում էինք անել, ինչ-որ մարդկանց պատճառով նեգատիվ լույսի ներքո եղավ, բայց լավ է, որ ամեն ինչ լավ է, և երևանցիները մեզ սատար կանգնեցին»,- ասաց Մնացականյանը:
Ինչ վերաբերում է քննադատություններին, որ քաղաքապետարանը երկխոսության չգնաց սրճարանների սեփականատերերի հետ, Մնացականյանն ասաց, որ երկխոսությունն իրականում օրենքի շրջանակներում ավարտվել է այն ժամանակ, երբ եղել է ծանուցումը: «Ծանուցումից հետո, երբ մենք լուծեցինք պայմանագրերը, այդտեղից դադարել է երկխոսությունը: Հիմա սրանք ինքնակամ կառույցներ են, եթե մենք սկսենք երկխոսել ինքնակամ կառույցների հետ, հեռու չենք գնա»,- շեշտեց նա:
«Կոնտրոն» վարչական շրջանի ղեկավարը նշեց, որ Օպերան իրենց առաջնահերթությունն է, այդ պատճառով են Օպերայի տարածքից սկսել այս ամենը: Սակայն հավելեց, որ առայժմ չեն քննարկում տարածքի մյուս սրճարանները ապամոնտաժել: «Մենք հնարավորություն ենք տվել, որ սրճարանների երկրորդ մասերը աշխատեն, «Շոկոլադնիցայի» 20 տոկոսն է ապամոնտաժվել միայն»,- ասաց նա: 
Վիկտոր Մնացականյանը տեղեկացրեց, որ նոր զոնաներ կստեղծեն, մարդկանց հնարավորություն կտան դիվերսիֆիկացնել իրենց բիզնեսները, բայց ոչ զբոսայգիների հաշվին, և, օրինակ, Դավիթաշենի ձորը՝ նշելով, որ այնտեղ կարող են սրճարաններ կառուցվել: «Եթե այդ սրճարանները չեն գտնվում Օպերայում, Հանրապետության հրապարակում ժամանակ կտանք, կբանակցենք նրանց հետ»,- ասաց նա:
«Կգա՞ մի օր, որ գիշերային ակումբները, կարաոկեները Կենտրոնից տեղափոխվեն այլ տարածքներ»,- դիմելով վարչական շրջանի ղեկավար Վիկտոր Մնացականյանին՝ հարցրին լրագրողները: «Ես կուզեի կենտրոնում լինեն կաֆեներ, ռեստորաններ, հյուրանոցներ, մշակութային օջախներ: Մնացած գիշերային ակումբները, կարաոկեները, եթե ուզում ենք զարգանան Էրեբունին, Շենգավիթը, թող էդտեղ բացեն: Ներդրողներին էլ ենք ասում՝ ուզում եք կառուցե՞լ, գնացեք ըտե. մեծ մասը համաձայնում են: Մենք չենք ուզում, որ մենակ Կենտրոնում կառուցեն»,- ասաց թաղապետը:

Մեկնաբանություններ

Համընկնող լուրեր