16:40 - «Արարատ-2» ֆուտբոլային թիմի դարպասապահ Մուշեղ Ղևոնդյանի սպանությունից մանրամասներ են հայտնի դարձել         16:35 - Երեկոյան ժամերից Հայաստան կներթափանցեն արկտիական ցուրտ օդային հոսանքներ․ ձյան առատ տեղումներ են սպասվում      16:15 - Նիկոլ Փաշինյանը դադարեցրել է Դավիթ Սանասարյանի լիազորությունները    

05 ապր 2019 21:24

Ինձ համար բարդ է ընկալել կնոջ կատարյալ երջանկությունը, երբ այն առանձնացվում է տղամարդու երջանկությունից

Ինձ համար բարդ է ընկալել կնոջ կատարյալ երջանկությունը, երբ այն առանձնացվում է տղամարդու երջանկությունիցԿանանց մեկ ամսյա տոների շրջանակում Hayacq.com-ի հարցազրույցը ԱԺ պատգամավոր, «Իմ քայլը» խմբակցության անդամ Սոֆյա Հովսեփյանի հետ:
 
-Ըստ Ձեզ, Հայաստանում այսօր կանայք որքանո՞վ են ներգրավված հասարակական-քաղաքական գործընթացներում: 
-Եթե համեմատենք մի քանի տարի առաջ կանանց ներգրավվածության հետ, ապա այսօր անհամեմատելի է: Գտնում եմ, որ կանայք այսօր ունեն իրենց ուրույն և կարևոր դերը, թե՛ հասարակական, թե՛ քաղաքական գործընթացներում: Քաղ հասարակությունը ապացուցեց վերջին տարիներին, որ կարևորում է կանանց ներգրավվածությունը կարևորագույն հարցերում հանդես գալուն տղամարդկանց հետ միասին, ինչն էլ նաև պատճառ դարձավ քաղաքական պրոցեսներում կանանց ներգրավվածության ծավալների մեծացման:
 
-ԱԺ-ում կին պատգամավորները 132 –ից ընդամենը 32-ն են: Գոհացուցի՞չ է: 
-Այսօր այո գտնում եմ, որ բավարար է: 6_րդ գումարման ԱԺ -ում կանայք  ավելի քիչ էին և այս պահին համարում եմ բավարար, քանի որ հասարակությունն էլ պետք է սովորի, որ կինը կարող է լինել քաղաքականության մեջ՝ իր կարևոր դերով ու գործունեությամբ և հավասարակշռություն ստեղծի քաղաքական և կառավարման ոլորտում:
 
-Կին պատգամավորն ի տարբերություն տղամարդու ի՞նչ խոչընդոտների կարող է հանդիպել:
-Գիտեք այսօր խոչնդոտներ չկան: Եթե անկեղծ, քանի որ բավականին մենք ընդունվեցինք և հետ հեղափոխական վերաբերմունքը մարդկանց մեծ փոփոխություն բերեց, թե՛ վերաբերմունքի, և թե՛ արժեքների առումով:  Այսօր եթե կա խնդիր, ապա այն ոչ թե պայմանավորվում է սեռով այլ տեսակով, սուբյեկտով և առանձնահատկությամբ:
 
-Իսկ որո՞նք են առավելությունները:
-Առավելությունը շատ չէ, որն էլ նորմա է: Միջազգային հարաբերությունները առավել դրական է դասավորվում կանանց  ներգրավվածության առումով: Աշխարհը կարևորել է կնոջ ներգրավվածությունը և դրական է գնահատում նաև, երբ մեր պատվիրակություննել է լինում կանանց ներգրավմամբ: Ես կարող եմ ասել նաև, որ ՀՀ-ում բնակիչներն են առավել մեղմ և հանդուրժող  մեր նկատմամբ: Եթե տղամարդկանց դեպքում շատ ավելի չոր են ու կոնֆլիկտային, ապա կանանց դեպքում առավել առաջարկող և կառուցողական են:
 
-Կա նման կարծրատիպ, որ քաղաքականությունում տղամարդիկ առավել հաջողակ են:
-Իհարկե կա այդ կարծրատիպը և բնական է, որ պետք է լիներ, քանի որ տղամարդիկ են եղել հիմնական ներկայացված և հաջողությունը և ձախողումը հենց իրենց անձի հետ էլ պայմանավորվում է: Այսօր մենք ունենք խնդիր այդ կարծրատիպը կոտրելու: Քանի որ հաջողության կարող է հասնել նաև կինը, եթե ցանկանա և ձգտի:
 
-Արդյո՞ք կնոջ համար դժվար չէ համատեղել ընտանիքը, կենցաղը և քաղաքականությամբ զբաղվելը:
-Միանշանակ դժվար է և տարօրինակ հետաքրիր, քանզի կինը այդ ժամանակ առավել է բացահայտվում ու ցույց տալիս, որ ցանկության դեպքում ինքը ամենակարող կարող է լինել, թե՛ լավ կին, թե՛ լավ մայր, թե՛ լավ տնտեսուհի և թե՛ լավ գործիչ: Որքան դժվար է պայքարը, այնքան արժեքավոր է դառնում հաղթանակը:
 
-Եթե համեմատելու լինենք 20 և 21-րդ դարի կին քաղաքական գործիչներին:
-Եթե համեմատենք, ապա կասեմ  որ կանայք 20-րդ դարում ավելի քիչ էին քաղաքականության մեջ, ի տարբերություն 21-ի, բայց այդ քիչը ահռելի կարողություն էր և որակ: Ես ամեն անգամ երբ նայում եմ իրենց անցած ճանապարհը՝ հասկանում եմ, թե որքան սովորելու բան ունենք: Շատ հետաքրքիր են եղել իրենք՝ հասցրել են ամեն տեղ լինել առավելագույնը: Միգուցե ժամանակը շատ պահանջ չի ներկայացրել, քան հիմա է, բայց այսօր ինձ համար բարդ է  հասցնել ամեն ինչ, թերևս ձգտում եմ անել առավելագույնը:
 
-Ի՞նչ է երջանկությունը կնոջ համար:
-Ինչ է երջանկությունը  կնոջ համար, թե առհասարակ մարդու համար: Կարծում եմ ինքնաբավ լինելը և այն կարողությունների ձևավորումը, որոնք կօգնեն կնոջը դառնալ ստեղծարար, ներդաշնակություն ստեղծող և տարածող: Ինձ համար բարդ է ընկալել կնոջ կատարյալ երջանկությունը, երբ առանձնացվում է տղամարդու երջանկությունից, ուստի այս տեսանկյունից ելնելով, առավել քան միասնության և փոխլրացման ու հարմոնիայի մեջ եմ տեսնում երջանկությունը:
 
-Ի՞նչ պետք է անի տղամարդը կողքին երջանիկ կին ունենալու համար:
-Թե՛ կինը, թե՛ տղամարդը պետք է սիրեն և գնահատեն իրենց կողքին հայտնված մարդուն: Սիրեն նվիրումով և ազնվորեն գնահատեն տեսակը և առանձնահատկությունը, պահպանեն հարգանքը և բազմակարծությունը: Երևի ինձ համար հեշտ է կարծիք հայտնելը, բայց այդպիսին եմ պատկերացնում ամուր ընտանիքը:
 
-Ձեզ համարո՞ւմ եք երջանիկ կին ու հաջողակ քաղաքական գործիչ:
-Ինձ համարում եմ երջանիկ մարդ, քանզի կարևորում և գնահատում եմ այն արժեքներն, որոնք ունեմ և կրում եմ որպես հայ մարդ: Երջանիկ կնոջ եզրույթը մի քիչ այլ է իմ մտածողության մեջ, քանզի ըստ իս,  կինը իր երջանկության ամբողջականությունը գտնում է իր ընտանիքում՝ ամուսնու և երեխաների հետ միասին: Այսօր ես ինձ համարում եմ երջանիկ մարդ, ով ունի առաքելություն և ապրում է իր առաքելությունը իրացնելով:
 
-Ձեր մաղթանքը կանանց տոների առթիվ:
-Աշխարհի բոլոր կանանց մաղթում եմ լինեն կանացի, նազանի: Ցանկանում եմ, որ լինեն երջանիկ ու սիրված, լավ մայր ու գնահատված կին: Լինեն ինքնաբավ ու հոգատար, թե՛ իրենց անձի, թե՛ իրենց  շարջապատի համար:

Մեկնաբանություններ

Համընկնող լուրեր