20:21 - ՀՅԴ-ն իշխանություններին դեղին քարտ ցույց տվեց. Տեսանյութ         18:25 - «Ամեն ինչ ունի սկիզբ և վերջ». ԵՊՀ ռեկտորը՝ հրաժարականի պատճառների մասին      18:00 - Փաստաբանը Քոչարյանին ազատած դատավորի դեմ հաղորդում է ներկայացրել ԱԱԾ, ՀՔԾ և Գլխավոր դատախազություն .Դատավորը խախտել է...    

18 ապր 2019 16:17

Րոպեում պուլսի ավելի քան 75 զարկը կարող է վկայել վաղաժամ մահվան կրկնակի վտանգի մասին

Րոպեում պուլսի ավելի քան 75 զարկը կարող է վկայել վաղաժամ մահվան կրկնակի վտանգի մասինՀանգիստ վիճակում սրտի կծկումների հաճախականությունը, որը գերազանցում է րոպեում 75 զարկը, կարող է վկայել տղամարդկանց շրջանում վաղաժամ մահվան կրկնակի վտանգի մասին:
Այս մասին ասվում է նոր հետազոտությունում, որի արդյունքները հրապարակվել են Open Heart ամսագրում:
1993 թվականին սկսված հետազոտությանը մասնակցել է 1943 թվականին ծնված 798 մարդ: Նրանք բոլորը հարցաթերթիկներ են լրացրել, որտեղ նկարագրել են իրենց կենսակերպը, նշել են առկա սթրեսի աստիճանը եւ ընտանիքում սրտանոթային հիվանդությունների պատմությունը:
Նրանք բոլորը բուժզննում են անցել, որի արդյունքներով 4 խումբ է ձեւավորվել. հանգիստ վիճակում րոպեում սրտի կծկումների 55 զարկից քիչ հաճախականությամբ, րոպեում՝ 56-65 զարկով, րոպեում 66-75 զարկով եւ րոպեում ավելի քան 75 զարկով:
Մասնակիցների պուլսը նորից չափել են  2003 եւ 2014 թվականներին: 21 տարի տեւած մոնիթորինգի ընթացքում մահացել է 119 մարդ, 237-ի մոտ զարգացել են սրտանոթային հիվանդություններ, իսկ 113-ի մոտ՝ սրտի իշեմիկ հիվանդություն: Այն մարդիկ, որոնց հաճախականությունը 1993-ին րոպեում գերազանցել է 55 զարկը, հիմնականում ծխողներ են եղել, ոչ այնքան ակտիվ կյանք են վարել եւ սթրեսի հակվածություն են ունեցել: Սակայն նրանք, որոնց մոտ այդ ցուցանիշը րոպեում հավասար է եղել 75 զարկի, երկու անգամ ավելի հաճախ են մահացել սրտանոթային հիվանդություններից եւ այլ պատճառներից:


Մեկնաբանություններ

Համընկնող լուրեր