Թուրքիայի և Ադրբեջանի միասնությունն օրինակ է ողջ աշխարհի համար և ՀՀ-ի հետ Թուրքիայի երկխոսության զարգացումը հնարավոր է միայն մեր եղբայրների շահերը հաշվի առնելով          Տեսանյութ.Ադրբեջանի տարածքում Իսրայելի հետախուզական նոր բազաների ստեղծումը լուրջ սպառնալիք կարող է լինել Հայաստանի համար       ՀՀ-ից հերքում են, թե իբր BBC-ի թղթակիցներին չի թույլատրվել այցելել ադրբեջանական ագրեսիայից տուժած շրջաններ, ընդհակառակը իրենք չեն ընդունել ՀՀ-ի այդ առաջարկըլ    

22 ապր 2019 17:02

Կրեմլը հրաժարվել է շնորհավորել Զելենսկիին հաղթանակի կապակցությամբ

Կրեմլը հրաժարվել է շնորհավորել Զելենսկիին հաղթանակի կապակցությամբՌԴ նախագահի մամուլի խոսնակ Դմիտրի Պեսկովն ապրիլի 22-ին լրագրողների հետ զրույցում ասել է, որ նախագահ Վլադիմիր Պուտինը դեռ մտադիր չէ շնորհավորել Ուկրաինայի նախագահական ընտրությունների երկրորդ փուլում հաղթած Վլադիմիր Զելենսկիին, գրում է meduza.io-ն:
Հարցին, թե ինչու է նման որոշում ընդունվել, Պեսկովն ասել է, որ «պետք է դատել կոնկրետ գործերով, կոնկրետ քայլերով», իսկ պաշտոնական արդյունքները դեռ չեն հրապարակվել:
Պեսկովը հավելել է, որ Ուկրաինայում ընտրությունների օրինականությունը հարցականի տակ է առնվել դեռ այն ժամանակ, երբ «հնարավորություն չի տրվել քվեարկելու Ուկրաինայի 3 մլն քաղաքացու, որոնք բնակվում են Ռուսաստանի Դաշնությունում»:
Ուկրաինայի նախագահի թեկնածու Վլադիմիր Զելենսկին 73,17% ձայնով առաջատար է կիրակի անցկացված նախագահական ընտրություններում՝ արձանագրությունների 95,06%-ի մշակումից հետո: Գործող նախագահ Պյոտր Պորոշենկոն հավաքել է 24,5% ձայն: Այդ մասին են վկայում երկրի կենտրոնական ընտրական հանձնաժողովի տվյալները: 
Զելենսկիին արդեն հաղթանակի կապակցությամբ շնորհավորել են մի շարք երկրների առաջնորդներ, այդ թվում՝ ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, Բելառուսի նախագահ Ալեքսանդր Լուկաշենկոն, ԱՄՆ նախագահ Դոնալդ Թրամփը, Ֆրանսիայի նախագահ Էմանուել Մակրոնը, այլք:

Մեկնաբանություններ


Համընկնող լուրեր