Ուկրաինայի Ռադայի պատգամավորին որպես «անցկալի անձ»Հայաստան չեն թողել մուտք գործել
Ուկրաինայի Ռադայի պատգամավոր Մուտաֆա Նայեմին որպես «անցկալի անձ» Հայաստան մուտք գործել չեն թողել: Պատգամավորի խոսքերով, դա եղել է Ռուսաստանի պահանջով: Այս մասին հաղորդում է Gazeta.ru-ն՝ հղում կատարելով УНИАН-ին:
«Անձնագրային ստուգմանը սովորական անձնագրով եմ ներկայացել, քանի որ այցը պաշտոնական բնույթ չէր կրում, ու ես պարտավոր չէի վերցնել դիվանագիտական անձնագիրս: Ստուգման երկարատև գործընթացից հետո սպաները հայտնեցին, որ իրենց տվյալների բազայում ինձ համար «մուտքի արգելք» է սահմանված: Խնդրեցի, որ բացատրեն, բայց ասացին, որ իրենց էլ պատճառը հայտնի չէ ու չեն կարող ասել: Պարզապես, ասացին, որ «անցկալի անձ» եմ»,-ասել է Ռադայի պատգամավորը:
Նայեմի խոսքերով, Հայաստանում Ուկրաինայի դեսպանի միջամտության հետևանքով իրեն թույլ են տվել մուտք գործել Հայաստան:
