Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

09 մայիս 2019 17:15

Առողջապահության նախարարությունը եւ հաստատում է, եւ հերքում. ոչ ոք չի կուրացել

Առողջապահության նախարարությունը տեղյակ է Մալայանի անվան ակնաբուժական կենտրոնում տեղի ունեցած միջադեպին, սակայն պնդում է, որ դրա հետեւանքով ոչ ոք չի կուրացել։
Ավելի վաղ նշել ենք, որ «Հրապարակ»-ի տեղեկություններով երկու օր առաջ ակնաբուժական կենտրոնում «Նատալի ֆարմ» ընկերությունից ստացված դեղամիջոց է ներարկվել 6 հիվանդի, որոնք հաջորդ օրը կորցրել են տեսողությունը։ Կլինիկան անմիջապես աչքի վիրահատություն է իրականացրել։
Մամուլի հրապարակմանն արձագանքել է Առողջապահության նախարարությունը՝ նշելով, որ պարզվում են դեղորայքային միջամտությունից հետո հիվանդների մոտ առաջացած գանգատների պատճառահետևանքային կապերը։
Հայտարարությունում մասնավորապես ասվում է.
«Պացիենտների մոտ ախտորոշվել է հետսրսկումային ինֆեկցիոն ախտահարում։
Վերջիններս վիրահատվել են։
Դեղորայքային միջամտություն է արվել, որից հետո պացիենտները դիմել են գանգատով։
Պարզվում է դրա պատճառահետևանքային կապերը։
Հերքվել է տեսողությունը կորցնելու փաստը
Առողջապահության նախարարությունը տեղյակ է Մալայանի անվան ակնաբուժական կենտրոնում տեղի ունեցած միջադեպից։
Նախարար Արսեն Թորոսյանի հանձնարարությամբ՝ տեղակալ Լևոն Հակոբյանն այցելել է կենտրոն և տեղում ծանոթացել իրավիճակին։ Վերջինս հանդիպել է պացիենտներից մեկին, խոսել է բուժող բժշկի և բաժանմունքի վարիչի հետ՝ նրանք հերքել են կուրության փաստը։
Պետք է նշել, որ հիվանդների թիվը ոչ թե ութ, այլ վեց է։ Նրանց ցուցաբերվել է անհրաժեշտ բժշկական օգնություն և վերջիններիս առողջությանը վտանգ չի սպառնում։
Կենտրոն են այցելել նաև դեղերի փորձագիտական կենտրոնի և հիվանդությունների վերահսկման և կանխարգելման կենտրոնի փորձագետները՝ պարզելու մանրմասները։
Հանձնարվել է օպերատիվ կերպով ներկայացնել արդյունքները, միաժամանակ կենտրոնից պահանջվել է զեկուցագիր՝ տեղի ունեցածի վերաբերյալ»։


Մեկնաբանություններ


Համընկնող լուրեր