Ինձ ասում էին՝ եթե ուզում ես ընտանիքիդ անդամներին տեսնես՝ Փաշինյանի դեմ ցուցմունք տուր
Ինձ ապրիլի 25-ին բռնեցին և հոգեբանական շատ խիստ ճնշումների էին ենթարկում, ասում էին եթե ուզում ես ընտանիքիդ անդամներին տեսնել Փաշինյանի դեմ ցուցմունք տուր: Այսօր Երևանի ընդհանուր իրավասության դատարանի բակում ասաց ընդդեմ Քոչարյանի ակցիայի մասնակից Հարություն Ֆարիշյանը:Նա նշեց, իր հանդեպ անհարգալից են վարվել, գործը շպրտում էին իր դիմաց և ասում.‹‹կարդա՛ արա››, իսկ կաբինետ մտնողները նրան տեսնելով ասում էին ‹‹Սրան խի՞ եք բերել››, ‹‹էս ի՞նչ ա››, ‹‹Ա՜, հեսա կտանենք, կփակենք››:
Ցուցարարի խոսքով, երբ ինքը հարցնում էր, թե ինչ թղթապանակ են իրեն ներկայացնում, ասում էին՝ այն մարդկանց գործերն են, ովքեր ցուցմունք չտալով հիմա դատված են:
‹‹Հարցնում եմ այսինքն ի՞նչ եք ուզում դրանով ասել, ասում են դու էլ ես դատվելու: Ասում եմ գիտեմ, որ դատվելու եմ: Բայց փառք Աստծո ես չդատվեցի››,-նշեց Ֆարիշյանը:
Հիշեցնենք, որ Երևանի ընդհանուր իրավասության դատարանի բակում բողոքի ակցիաները շարունակվում են: Այս անգամ բակում են հավաքվել և՛ ՀՀ երկրորդ նախագահ Ռոբերտ Քոչարյանի կողմնակիցները, և՛ նրան մեղադրողները:
Դատարանի վարչական շենքի դիմաց երկաթյա ցանկապատներ են տեղադրված, որոնք երեկ չկային։
