21:22 - Կարևոր նախադրյալ է քաղաքացու իրավագիտակցության և պատասխանատվության զգացումի բարձրացումը         17:40 - Նիկոլ Փաշինյանի վարկանիշը ՝ ըստ «Գելափի»      17:29 - Կաբաևան երկվորյակ է ունեցել. բժշկական հաստատության ամբողջ 4-րդ հարկը «տարհանվել է»    

15 մայիս 2019 11:50

Շների այս հիվանդությունը կարող է վարակիչ լինել նաեւ մարդկանց համար

Շների բրուցելյոզը, որով, ինչպես նախկինում համարվում էր, հիվանդանում էին միայն շները, կարող է վարակիչ լինել նաեւ մարդկանց համար:
ԱՄՆ-ի Այովա նահանգում գրանցվել են շներից մարդուն փոխանցվող այս հիվանդության բազմաթիվ դեպքեր:
Այովա նահանգում բազմացնում են փոքր չափերի շների եւ տեղացի անասնաբույժները նրանց շրջանում վտանգավոր հիվանդության նշաններ են գրանցել: Վարակված շները կարանտինում են գտնվում, նրանք ինտենսիվ թեստեր են անցնում: Մինչ այդ իշխանությունները փորձում են հայտնաբերել եւ բրուցելյոզով վարակված շների տերերին զգուշացնել, որ նրանց վտանգ է սպառնում:

Շների մոտ բրուցելյոզն անպտղություն է առաջացնում, հանկարծակի աբորտներ եւ մեռելածնություններ: Իսկ մարդու մոտ այս հիվանդությունը կարող է տենդ, առատ քրտնարտադրություն, գլխի եւ հոդերի ցավեր, ինչպես նաեւ ընդհանուր թուլություն առաջացնել:
Քանի որ հիվանդությունը հազվադեպ է մարդկանց մոտ հանդիպում, բժիշկները հաճախ սխալվում են ախտորոշման ժամանակ եւ բաց են թողնում հիվանդությունը ժամանակին բուժելու հնարավորությունը: Խորացած բրուցելյոզը մարդու մոտ կարող է քրոնիկ արթրիտ եւ սրտի այտուցվածություն առաջացնել:
Այովա նահանգի անասնաբուժական դեպարտամենտն ընդգծում է, որ շների տերերի համար սպառնալիքը շատ փոքր է, բայց այն գոյություն ունի: Դրան ենթարկվում են շների բոլոր սիրահարները եւ անասնաբույժները, որոնք գործ ունեն արյան, հյուսվածքների եւ ցանկացած հեղուկների հետ, որոնք առաջանում են ընտանի կենդանիների մոտ ծննդաբերության ժամանակ:

Մեկնաբանություններ

Համընկնող լուրեր