Ադրբեջանը սպառնում է «Խրախճանք պատերազմի ժամանակ. Ղարաբաղը հրադադարից 25 տարի հետո» հոդվածի հեղինակին
![](https://www.yerkir.am/resources/yerkir/img/news/origin/1552418276-598.jpeg)
Պատրվակը, ինչպես եւ ընդունված է, ուղեւորությունն է Լեռնային Ղարաբաղ։ «Մենք որոշ կասկածներ ունեցանք այս հաշվով։ Ներկայում մենք ուսումնասիրում ենք հարցը»,- ասել է Ադրբեջանի ԱԳՆ ներկայացուցիչ Լեյլա Աբդուլաեւան «Ինտերֆաքս-Ադրբեջան» գործակալությանը։
«Իզվեստիա»-ն իր կայքում ուրբաթ հրապարակել էր «Խրախճանք պատերազմի ժամանակ. Ղարաբաղը հրադադարից 25 տարի հետո» հոդվածը, որի հեղինակն է Գրիգորի Կլիմովը։
Նշենք, որ «սեւ ցուցակը» չարյաց փոքրագույնն է, որն սպառնում է Գրիգորի Կլիմովին։ Հաշվի առնելով բլոգեր Ալեքսանդր Լապշինի փորձը՝ հարկ է հիշեցնել, որ Ադրբեջանի իշխանությունները կարող են նախաձեռնել ապօրինի քրեական հետապնդում։
Միջազգային լրագրողական կազմակերպությունը հակամարտությունների գոտիներ այցելությունների նման արգելքը համարում է անթույլատրելի։