Տեսանյութ. Ոչ մի բանտ չի կարող սահմանափակել քո մտքի ազատությունը.Պայքարելու ենք միասին.հանդիպում՝ աջակիցների հետ

ՀՀ երկրորդ նախագահ նախագահ Ռոբերտ Քոչարյանն  մայիսի 28-ին, աջակիցների հետ հանդիպմանը հանդես է եկել ելույթով, որի տեսագրությունը հրապարակվել է Ռոբերտ Քոչարյանի ոչ պաշտոնական ֆեյսբուքյան էջում։
«Մոտ տասը տարի առաջ ինձ թվացել է, թե իմ կյանքի հիմնական իրադարձությունները անցյալում են, սպասվում է շատ կանխատեսելի, հանգիստ կյանքի շարունակությունը, սխալվել եմ։ Նաեւ ինձ թվացել է, թե իմ կյանքի փորձությունները՝ հնարավոր եւ անհնարին, անցյալում են, եւս սխալվել եմ։ Բանտը քեզ զրկում է ազատությունից, բայց միայն ազատության ֆիզիկական իմաստից, եւ ոչ մի բանտ քո մտքի, կամքի ազատությունը չի կարող սահմանափակել, եւ ճիշտ հակառակը, մի շատ լուրջ եւ նոր շարժառիթ է ձեւավորում առաջ շարժվելու, պայքարելու, եւ ես ուրախ եմ, տեսնում եմ, որ այդ պայքարը մենակ չեմ մղելու, եւ կա շատ ակտիվ, հետաքրքիր թիմ, որի հետ առաջ շարժվելու եւ նոր հաղթանակներ ունենալու պարտադիր ճանապարհ է լինելու։ Շնորհակալություն եմ ցանկանում հայտնել ձեզ բոլորիդ աջակցության համար։ Անկեղծ ասած՝ մեկ տարի առաջ չէի մտածում, որ այսքան անելիքներ առջեւում կան»,- ասել է Ռոբերտ Քոչարյանը։