Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

11 հուն 2019 13:17

Ռուսաստանը կենսաթոշակներ կվճարի ԵԱՏՄ անդամ երկրներից ներգաղթյալներին, նաև ՝ հայրենիք վերադարձից հետո


Ռուսաստանը կսկսի կենսաթոշակներ վճարել ԵԱՏՄ անդամ երկրներից աշխատանքային ներգաղթյալներին: Կենսաթոշակները ՌԴ-ն կվճարի նաև նրանց՝ հայրենիք վերադարձից հետո: Այդ մասին համապատասխան համաձայնագիրը պատրաստ է ստորագրության, փոխանցում է РБК-ն: Մինչ այս աշխատանքային միգրանտները փոխանցումներ էին կատարում այն երկրների Կենսաթոշակային ֆոնդերին, որտեղ աշխատում էին, սակայն մշտական բնակության վայր՝ հայրենիք վերադառնալիս կենսաթոշակ չէին ստանում: Ըստ դրա՝ կհաշվարկվի նաև այդ տարիների աշխատանքային ստաժը:
Ենթադրվում է, որ համաձայնագիրը ԵԱՏՄ անդամ երկրները կստորագրեն և կվավերացնեն մինչև տարեվերջ:
Այժմ այս ոլորտում գործում է քաղաքացիների իրավունքների երաշխիքների մասին 1992թ. համաձայնագիրը, ըստ որի՝ կենսաթոշակ նշանակում ու վճարում են այն երկրները, որոնք աշխատաքային ներգաղթյալների մշտական բնակության վայրն են համարվում: Իրավասուների մեկնաբանմամբ՝ դա հնարավորություն չի տալիս ապահովելու կենսաթոշակի ստացման իրավունքի իրացումը ողջ ծավալով: Փաստաթուղթը հնարավորություն կտա, որ ՌԴ-ն, մշտական բնակության վայր վերադառնալու դեպքում անգամ, նախկին միգրանտների կենսաթոշակն «արտահանի» ԵԱՏՄ անդամ այն երկիր, որի բնակիչն է քաղաքացին: Ըստ նախնական հաշվարկների՝ ՌԴ բյուջեի վրա բեռը կլինի մոտ 166 մլն ռուբլի:
Հիշեցնենք, որ ԵԱՏՄ անդամ երկրներն են ՌԴ-ն, Հայաստանը, Բելառուսը, Ղազախստանը և Ղրղզստանը:





Մեկնաբանություններ


Համընկնող լուրեր