Տեսանյութ. Սաակաշվիլին՝ իր կողմնակիցներին՝տեսեք ինչ է կատարվել Մոլդովայում, Հայաստանում, նրանցից վատը չենք ,մենք էլ կարող ենք...
‹‹Նախկինում էլ փորձ եղել է ռուս պատգամավորների Վրաստան այցելության ու այս անգամ էլ բոլորը գիտեին, որ ռուս պատգամավորներ են լինելու Վրաստանի խորհրդարանում և որ հենց իրենք են վեհաժողովի նիստը նախագահելու: Դա չէր խնդիրը, պարզապես վերջին շրջանում Վրաստանում լարված էր ներքաղաքական իրավիճակը››,- ADTV «Հարցազրույցի» ժամանակ ասաց Վրաստանի հարցերով փորձագետ Ջոնի Մելիքյանը:Նա նշեց, որ օրեր առաջ ԼԳԲՏ համայքի հետ կապված Վրաստանում ակտիվ ցույցեր են եղել, նույնիկս մարդկանց սև հագուստով փողոց էին դուրս բերել, որպեսզի հսկվեր և թույլ չտրվեր այդ համայնքին հավաք անցկացնել:
‹‹ Այս և տնտեսական իրավիճակի ֆոնի վրա էլ սա տեղի ունեցավ: Ի վերջո վրացական լարին վերջին տարիների ընթացքում արժեզրկվեց, Վրաստանում նաև գնաճ է նկատվում, ինչը հասարակ քաղաքացին իր վրա զգում է և զգում է, որ փոփոխությունների կարիք կա: Մի կողմից բնակչության դժգոհությունը, մյուս կողմից էլ ընդդիմություն է դժգոհ անցած տարվա նախագահական ընտրություններից, որտեղ իրենք պարտվեցին: Կայծը կար և այն ընդդիմությունը ճիշտ օգտագործեց և դա խորհրդարանում ռուս պատգամավորի առկայությունն էր››,-նկատեց նա:
Նա նշեց, որ ռուս պատգամավորների հետ կապված միջադեպն այդքան էլ սպասելի չէր, քանի որ, եթե իշխանությունն էր կազմակերպել, պետք է բոլոր ռիսկերը հաշվի առնված լինեին:
‹‹ Սակայն մինչև մյուս տարվա հոկտեմբերին տեղի ունեցող խորհրդարանական ընտրությունները, շատ չնչին բաներից կարող է բողոքի ալիքներ բարձրացվեն: Ոչ ոք չի կարող ասել, ինչից, ինչ կարող է լինել: Իրավիճակն անկանխատեսելի է››,-շեշտեց վրացագետը:
Մելիքյանի խոսքով, կարելի է այս փուլում ամփոփել, թե իրականում ինչ տեղի ունեցավ. ‹‹Եղավ բախում, Սաակաշվիլիի կողմնակիցների կողմից եղավ փորձ՝ գրավելու խորհրդարանի շենքը, որտեղ էլ եղան հիմնական տուժողները: Հարյուրավոր մարդիկ ձերբակալվեցին, շատերն էլ հիվանդանոցներում պառկած են››:
Նա շեշտեց, որ հիմնական հրահրողները ցույցի մասնակիցների հենց Սաակաշվիլիի կողմնակիցներն էին: ‹‹Նրանք կանգնած էին առաջին շարքերում , բայց որքան ավելի շատ էր լարվոմ իրավիճակը, այնքան նրանց թիվը պակասում էր և գալիս էին ավելի երիտասարդները, որոնք ավելի տաքարյուն էին և փորձում էին դիմադրել ոստիկանությանը: Սաակաշվիլին դիմել էր իր կողմնակիցներին և նշել, թե տեսեք ինչ է կատարվել Մոլդովայում, Հայաստանում: Մենք նրանցից վատը չենք և կարող ենք մենք օլիգարխին իշխանությունից հեռացնենք››:
Մանրամասները՝ տեսանյութում
