Այսուհետ ռուս զբոսաշրջիկների համար որոշ սրճարանների ճաշացանկը 20%-ով թանկ կլինի
Վրաստանի Բաթում քաղաքի «Գարդենս» սրճարանը որոշել է համարժեք պատասխան տալ ռուսներին իրենց տարածքների «20%-ն օկուպացնելու» համար և միացել է Թբիլիսիի իրենց գործընկերներին. այսուհետ ռուս զբոսաշրջիկների համար իրենց ճաշացանկը 20%-ով թանկ կլինի, հայտնում է apsny.ge-ն։«Մենք, հավանաբար, միակ սրճարանն ենք Բաթումում, որ ռուսերեն ճաշացանկ չունի։ Վերջին իրադարձությունների հետ կապված՝ մենք որոշել ենք միանալ Թբիլիսիի մեր գործընկերներին, և այսուհետ ռուս զբոսաշրջիկների համար ճաշացանկը 20%-ով թանկ կլինի»,- նշված է սրճարանի հայտարարության մեջ։
Ի պատասխան Ռուսաստանի կողմից Աբխազիայի և Ցխինվալի շրջանների «օկուպացմանը»՝իրենց ծառայության արժեքը բարձրացնելու որոշում էր ընդունել վրացական «Էզո» սրճարանը։
