17:20 - Ադրբեջանը մարտական կրակ է իրականացրել զենիթահրթիռային համակարգերից (լուսանկարներ)         17:05 - Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել      16:48 - Մոսկվան Երևանի հետ խմելիք «կենացները թանկացրեց» և Պողոսյանի քրեական գործը քաղաքականացրեց    

27 հուն 2019 15:19

ՌԴ-ում փրկարարներն արջի որջում «կենդանի մումիայի» վերածված տղամարդու են հայտնաբերել,ողջ մնալու համար սեփական մեզն է խմել (ֆոտո)

Ռուսաստանի հեռավոր՝ Մոնղոլիային սահմանակից Տուվա շրջանում, փրկարարներն արջի որջում «կենդանի մումիայի» վերածված տղամարդու են հայտնաբերել, որը, ինչպես պարզվել է հետագայում, մեկ ամիս շարունակ եղել է որջում:

Ինչպես նշում է Daily Mail-ը, Ալեքսանդր անունով տղամարդը եղել է գրեթե մահամերձ վիճակում, երբ նրան գտել են: Նրա խոսքով՝ վայրի գիշատիչը կոտրել է իր ողնաշարն ու այդ վիճակում իր որջում թողել, որպեսզի ավելի ուշ ուտի:

Ի սկզբանե նրան հայտնաբերել են որսորդական շները, որոնց տերերը սկզբում կարծել են, թե նա արդեն մահացած է: Եվ դա զարմանալի չէ, քանի որ Ալեքսանդրն ուղղակի սոսկալի տեսք է ունեցել:

Պարբերականը նկատում է, որ գորշ արջերն իրենց որսին բռնելուց անմիջապես հետո չեն ուտում: Նրանք մի քանի օր կամ շաբաթ սպասում են, մինչև որ այն հոտի, հետո նոր վերադառնում են և ուտում:

Ավելի ուշ հիվանդանոցում փոքր-ինչ ուշքի գալուց հետո Ալեքսանդրը մանրամասնել է, որ ողջ մնալու համար ստիպված է եղել սեփական մեզը խմել: Բժիշկների խոսքով՝ տղամարդը հրաշքով է ողջ մնացել:

Ալեքսանդրի մոտ հայտնաբերվել են բավականին լուրջ վնասվածքներ, որոշ հատվածներում մաշկը սկսել է նեխել:

Բրիտանական պարբերականը նկատում է, որ շոկային պատմության հրապարակումից հետո բազմաթիվ օգտատերեր զուգահեռներ են անցկացրել դրա և օսկարակիր դերասան Լեոնարդո դի Կապրիոյի «Փրկվածը» ֆիլմի միջև, որտեղ գլխավոր հերոսը ողջ է մնում գորշ արջի սարսափելի հարձակումից հետո:


 


Մեկնաբանություններ

Համընկնող լուրեր