18:41 - Աշուղ Ջիվանու և Վահան Տերյանի ծննդավայրերում կրկին տոն էր. Տեսանյութ         17:59 - Թուրքիայում Հայաստանի քաղաքացի է բերման ենթարկվել      17:07 - Նազիկ Ամիրյանը հերքում է, որ ամուսինն է տարիներ առաջ շղթայած անձին կտտանքների ենթարկել    

03 հուլ 2019 16:30

Շարջայի շեյխի որդուն մահացած են հայտնաբերել լոնդոնյան պենտհաուսում թմրանյութերով օրգիայից հետո

Արաբական Միացյալ Էմիրությունների Շարջա էմիրության կառավարչի 39-ամյա որդին՝ շեյխ Խալիդ բին Սուլթան ալ Քասիմին, մահացած է հայտնաբերվել իր լոնդոնյան պենտհաուսում, հայտնում է Daily Mail-ը՝ մանրամասնելով, որ երիտասարդ միլիոնատիրոջն արդեն հուղարկավորել են հայրենիքում:

Շեյխ Խալիդի հուղարկավորությանը ներկա են եղել տասնյակ հազարավոր մարդիկ: Հանգուցյալի հայրը՝ ազդեցիկ շեյխ Սուլթան բին Մուհամադ ալ Քասիմին, գլխավորել է սգո թափորը:

Պարբերականի փոխանցմամբ՝ շեյխ Խալիդն իր շքեղ պենտհաուսում թմրանյութերի օգտագործմամբ օրգիա էր կազմակերպել: Քաջատեղյակ աղբյուրների փոխանցմամբ՝ դեպքի վայրում առաջին կարգի թմրանյութեր են հայտնաբերվել: Չի բացառվում, որ շեյխ Խալիդը մահացել է թմրանյութերի չարաշահումից:
Ընկերների պատմելով՝ ինը տարեկանում Լոնդոն տեղափոխված, բարձրագույն կրթություն ստացած և այնուհետև դիզայներությամբ զբաղված շեյխ Խալիդը, մուսուլման լինելով հանդերձ, վայելում էր արևմտյան կյանքի բոլոր ազատությունները, ինչի հետևանքով «նրա պատմությունը ողբերգական ավարտ է ունեցել»:
Հայտնի է, որ ԱՄԷ-ում հուլիսի 2-ից սկսած եռօրյա սուգ է հայտարարվել:
Շարիաթի կանոնների համաձայն՝ հանգուցյալի դին պետք է հուղարկավորվի հնարավորինս արագ՝ մահից հետո 24 ժամվա ընթացքում:
Աղբյուրը հավելում է, որ Շարջայի շեյխը, որն իշխանության է եկել 1972թ., արդեն երկրորդ զավակին է  կորցնում: 1999թ. 24 տարեկանում Լոնդոնում կյանքից հեռացել էր նրա ավագ որդին՝ կրկին թմրանյութերի չարաշահումից:

Մեկնաբանություններ

Համընկնող լուրեր