Ադրբեջանի գործողություններին վարդագույն ակնոցով նայելով՝ կարող է լինել անչափ տխուր, արյունահեղ
Ադրբեջանի իշխանությունները իրենց պարբերական հայտարարություններով հիշեցնում են իրերի իրական դրությունը՝ Բաքվի մոտեցումները եւ ծրագրերը չեն փոխվել: Այս մասին ասաց Արցախի նախագահի աշխատակազմի փոխղեկավար, նախագահի աշխատակազմի Գլխավոր տեղեկատվական վարչության պետ Դավիթ Բաբայանը՝ մեկնաբանելով Ադրբեջանի նախագահ Իլհամ Ալիեւի հերթական հայտարարությունը:«Մենք այս մասին երբեք չպետք է մոռանանք: Ցավոք, ոմանք մոռանում են, իսկ Ադրբեջանն ինքը հիշեցնում է իրականության մասին: Սա ամենապարադոքսալն է: Եթե իրավիճակին նայենք վարդագույն ակնոցով, ապագան կարող է լինել անչափ տխուր, արյունահեղ»,- զգուշացրեց Դավիթ Բաբայանը:
Ի պատասխան հարցին՝ Ադրբեջանի ղեկավարությանն արդյոք հաջողվո՞ւմ է միջնորդներին մոլորության մեջ գցել, Բաբայանը կարծիք հայտնեց, որ չի հաջողվում. «Միջնորդները բարձրակարգ դիվանագետներ են՝ լայն տեսահորիզոնով, որոնք երկար տարիներ դիվանագիտական ծառայության են»:
