18:01 - Կհասցնի՞ Նիկոլ Փաշինյանը, մինչև անդառնալիության կետը բեկումնային և արդյունավետ դարձնել իր կառավարումը         17:17 - Դատարանը հրապարակում է Քոչարյանի նկատմամբ գրավ կիրառելու հարցով որոշումը (ուղիղ)      16:56 - Ադրբեջաներենը՝ Վրաստանի հայալեզու դասագրքերում. «Ալիք Մեդիա»    

16 օգոս 2019 17:30

Տեսանյութ. Ուղևորի նկարահանած «Ուրալյան ավիաուղիների» ամբողջ թռիչքը՝ վերելքի պահից մինչև արտակարգ վայրէջքը

Մերձմոսկվայի տարածքում «Airbus A321 Ural Airlines» ավիաընկերության եգիպտացորենի դաշտում  արտակարգ վայրէջք կատարած օդանավի ուղևորներից մեկը նկարահանել է ամբողջ թռիչքը՝ վերելքի պահից մինչև վայրէջքը:
Կադրերում երևում է, թե ինչպես է ինքնաթիռը կտրվում  թռիչքուղուց և սկսում դանդաղորեն բարձրություն հավաքել: Տեսանյութի 18 վայրկյանում երևում է, թե ինչպես է ինքնաթիռը թռչում թռչունների երամի միջով: Մոտ կես րոպեից լսվում է  շարժիչում ընդհատումների ձայնը: Հաջորդ 20 վայրկյանների ընթացքում «Airbus» - ը թռչում է առանց բարձրություն հավաքելու, այնուհետև կտրուկ իջնում է և վայրէջք կատարում դաշտում:
Ural Airlines ավիաընկերության ինքնաթիռը հետևել է Ժուկովսկիյ-Սիմֆերոպոլ  թռիչքուղով: Օդանավը կոշտ վայրէջք է կատարել օգոստոսի 15-ի առավոտյան՝ որորների երամի հետ բախման հետևանքով, ինչի արդյունքում խափանվել են ուժային սարքավորումները: Վայրէջքի ժամանակ տուժել է ավելի քան 50 մարդ: Զոհեր չկան:
Ural Airlines ավիաընկերությունն ընդգծել է, որ զոհերից խուսափել են անձնակազմի համաձայնեցված գործողությունների շնորհիվ: Փոխադրողի ներկայացուցիչները նշել են, որ ինքնաթիռը լուրջ վնասներ է կրել:


Մեկնաբանություններ

Համընկնող լուրեր