Ի գիտություն.ՀՀ օրենսդրությունը և Հայաստանի վավերացրած միջազգային կոնվենցիաներն իրավունք չեն տալիս Ամուլսարում հանք շահագործել. իրավաբան
Եթե նույնիսկ ընդունենք, որ Ամուլսարի հանքն իրենից վտանգ չի ներկայացնում (ինչն իհարկե շատ հեռու է ճշմարտությունից), ՀՀ օրենսդրությունը և Հայաստանի վավերացրած միջազգային կոնվենցիաներն իրավունք չեն տալիս Ամուլսարում հանք շահագործել։ Այս մասին ֆեյսբուքյան իր էջում գրել է իրավաբան, բնապահպան Նազելի Վարդանյանը։Նա մասնավորապես գրել է.
«Ի գիտություն` ՀՀ Վարչապետին, ՀՀ Կառավարությանը, ՀՀ Ազգային Ժողովին, ՀՀ Ազգային անվտանգության ծառայությանը, ՀՀ Դատախազությանը, ՀՀ քննչական կոմիտեին, .... և ՀՀ ժողովրդին,
Եթե նույնիսկ, մի պահ, ընդունենք, որ Ամուլսարի հանքը իրենից վտանգ չի ներկայացնում /ինչը իհարկե ճշմարտությունից շատ հեռու է/, ՀՀ օրենսդրությունը և Հայաստանի վավարեցրած միջազգային կոնվենցիաները իրավունք չեն տալիս Ամուլսարում հանք շահագործել:
Եղե'ք իրավագիտակից:
Հայաստանը իրավական երկիր է և Վերջ»,-գրել է Նազելի Վարդանյանը և ավելացրե, որ իրավական վերլուծությունը, խախտումները և կոռուպցիոն հանգամանքները ներկայացված են իր կատարած իրավական եզրակացության մեջ։
