17:32 - Ցանկացած մեկը, ով կսպանի Թրամփին, կստանա 3 մլն դոլար՝ կանխիկ գումարով         16:33 - Աշոտյանի պատասխանը Գևորգ Գորգիսյանին՝ պարոն Աշոտյան, պարիկով եկել ես, որ ի՞նչ անեսին      16:10 - Թույլ չտվեցին Մանվել Գրիգորյանին տեղափոխել Ֆրանսիա՝ բուժման համար    

27 օգոս 2019 16:40

Խոսքը տասնյակ միլիոնավոր դոլարների մասին է. Արթուր Վանեցյանը՝ Գագիկ Խաչատրյանի գործի մասին

Լրագրողներն այսօր ԱԱԾ տնօրեն Արթուր Վանեցյանից հետաքրրքվեցին՝ արդյոք Գագիկ Խաչատրյանի բնակարանի խուզարկությամբ որևէ բան հայտնաբերվել է։
Վանեցյանը նշեց, որ որևէ բան ասել չի կարող, քանի որ դա նախաքննական գաղտնիք է։
Հարցին՝ ինչո՞ւ են հենց հիմա որոշել ՊԵԿ նախկին նախագահին բերման ենթարկել, Արթուր Վանեցյանն ասաց, որ ԱԱԾ-ն պատվերով որևէ մեկին չի ձերբակալում։
«Կատարվել է մեծ ծավալի աշխատանք, և այսօր ունեցած ապացույցների համակցությունը հիմք է տվել իրականացնել այս գործողությունները», – նշեց նա՝ միաժամանակ տեղեկացնելով, որ մինչ խուզարկությունը նախկին պաշտոնյան մի քանի անգամ կանչվել է հարցաքննության։

Արթուր Վանեցյանի խոսքով՝  այս պարագայում տասնյակ միլիոնավոր դոլարների մասին է հարցը:
Վանեցյանն ասաց, որ Խաչատրյանի հետ փոխկապակցված անձանցից բերման է ենթարկվելու նաև Կարեն Խաչատրյանը, ով ՊԵԿ-ում պաշտոն է զբաղեցրել:
«Գագիկ Խաչատրյանի որդիների նկատմամբ որևէ գործողություն չենք իրականացրել, որևէ փաստ չունենք այս պահին», – ավելացրեց նա:

Կձերբակալվի՞ Գագիկ Խաչատրյանը, թե՞ ոչ, Արթուր Վանեցյանն ասաց, որ կորոշեն քննիչները: Նրա խոսքով՝ քիչ առաջ ավարտվել է Խաչատրյանի՝ Ծաղկաձորում գտնվող առանձնատան խուզարկությունը, քննչական խումբը հիմա վերադառնում է Երևան:

Մեկնաբանություններ

Համընկնող լուրեր