18:00 - Ադրբեջանը սսկվել է, ոնց որ տեղյակ են մեր նոր տեղական զենքերից         17:27 - Ով կփոխարինի Վանեցյանին      17:10 - Ծրարներում նշված են եղել ծառայողի բացահայտած հանցագործության տեսակն ու պարգևատրման չափը    

02 սեպ 2019 13:18

Վրաստանի վարչապետ Մամուկա Բախտաձեն հրաժարական տվեց

Վրաստանի վարչապետ Մամուկա Բախտաձեն այսօր հայտարարել Է իր հրաժարականի մասին:
«Զարգացման շրջանակն ստեղծված Է, ուստի ես որոշում ընդունեցի հրաժարական տալ, քանզի գտնում եմ, որ կատարել եմ իմ առաքելությունն այս փուլում»,- հայտարարել է Բախտաձեն։
Նա ֆեյսբուքյան գրառմամբ՝ նշել է, որ «մեծ պատիվ Էր եւ միաժամանակ՝ մեծ պատասխանատվություն Վրաստանի վարչապետի կարգավիճակում ծառայել մեր երկրի շահերին: Ես եղել եմ ու կլինեմ «Վրացական երազանքի» անդամը եւ մեր երկրի նվիրյալ զինվորը»:
Վրաստանում գործող օրենսդրության համաձայն՝ վարչապետի պաշտոնաթողությունից հետո լիազորությունները վայր Է դնում ամբողջ կառավարությունը: Նախարարները կշարունակեն իրենց պարտականությունները կատարել մինչեւ նախարարների կաբինետի նոր կազմի հաստատումը:
Ըստ Վրաստանի նոր Սահմանադրության, վարչապետի պաշտոնաթողությունից հետո երկու շաբաթվա ընթացքում խորհրդարանը պետք Է վստահություն հայտնի պաշտոնի նոր հավակնորդին, նախարարների կաբինետի կազմին եւ կառավարության ծրագրին:
Ռիա-Նովոստի գործակալության տեղեկացմամբ՝ նոր վարչապետի թեկնածությունը կարող Է առաջադրել խորհրդարանական ընտրություններում առավելագույն արդյունքներն արձանագրած կուսակցությունը (այժմ դա «Վրացական երազանքն» Է): Կառավարության նոր կազմի հաստատման համար անհրաժեշտ Է օրենսդիր մարմնում ապահովել ձայների մեծամասնությունը:
Լրատվամիջոցները հաղորդում են, որ Բախտաձեին կփոխարինի Վրաստանի ՆԳ նախարար Գեորգի Գախարիան։ ՆԳ նախարարի պաշտոնը կստանձնի նախկին վարչապետ Իրակլի Ղարիբաշվիլին։







Մեկնաբանություններ

Համընկնող լուրեր