Խայտառակություն է, որ այս օրով հայրս ազատության մեջ չէ. Ակնհայտ է լարվածությունը Հայաստանի և Արցախի իշխանությունների միջև
ՀՀ երկրորդ նախագահ Ռոբերտ Քոչարյանի աջակիցները Եռաբլուրում են՝ հարգանքի տուրք մատուցելու հերոսների հիշատակին:Այսօր լրատվականի հետ զրույցում Ռոբերտ Քոչարյանի կրտսեր որդին՝ Լևոն Քոչարյանը շնորհավորեց բոլորին օրվա կապակցությամբ՝ նշելով, որ Արցախի անկախությունն ամենամեծ հաղթանակներից մեկն է:
Լևոն Քոչարյաի խոսքերով, խայտառակություն է, որ այս օրով ազատության մեջ չէ Արցախի և Հայաստանի նախկին նախագահ Ռոբերտ Քոչարյանը. «Քանի որ խոսքը հորս մասին է, միգուցե այլ կերպ դա ընկալվի, եթե ես ասում եմ այդ մասին: Բայց մենք բազմիցս բարձրաձայնել ենք, որ այն, ինչ կատարվում է, ուղղակի խայտառակություն է և անթույլատերի՝ հատկապես հաշվի առնելով այդ մարդու դերն այն ձեռքբերումներում, որոնք ունեն Հայաստանն ու Արցախը»:
Ինչ վերաբերում է հարցին, թե կա արդյո՞ք լարվածություն Հայաստանի և Արցախի իշխանությունների միջև, Լևոն Քոչարյանը նշեց, որ դա ակնհայտ է, շատ դրվագներ են եղել, որոնք ապացուցում են լարվածությունը. «Ցավալի է, պետք է ամեն ինչ անել, որ այդ լարվածությունը չլինի»:
