19:09 - էս տեսակ հայրենիքը սիրելու բան չէ         18:00 - Արթուր Վանեցյանը՝ իր և Գագիկ Ծառուկյանի հանդիպման վերաբերյալ լուրերի մասին      17:34 - Հեռանում եմ առանց ավելորդ աղմուկի.Հոգնել եմ ճնշող մաղձից . Ժակը հայտնել է հեռանալու մասին    

06 սեպ 2019 13:18

Իզուր վերև-ներքև մի թռեք.Էդմոն Մարուքյանը՝ իր հասցեին արված հայտարարության՝«Լուսավոր Հայաստան»-ի հետ Փաշինյանին տապալելու մասին

Այն, ինչ հրապարակվել է այսօր մամուլում, որը բոլոր կայքերը տարածել են, թե նախկին պատգամավոր Ռուբիկ Հակոբյանի միջոցով աշխատում են «Լուսավոր Հայաստան»-ի հետ, որ տապալեն Նիկոլ Փաշինյանին, լկտի սուտ է: Այս մասին ֆեյսբուքյան ուղիղ եթերում հայտարարեց ԼՀԿ ղեկավար Էդմոն Մարուքյանը:


«Կա սուտ, նորմալ սուտ, ապատեղկատվություն և լկտի սուտ: Դա լկտի սուտ է, մեզ համար անցյալի էջն ամբողջությամբ փակված էջ է, և անցյալի էջը փակած լինելով՝ չենք պատկերցնում մեզ նման տիրույթներում, ինչի մասին խոսվում է, ներկայացվում: Թող այդ մարդիկ հանգիստ նստեն իրենց տեղները և որևէ կերպ չփորձեն մեզ վրա ցեխ շպրտել: Մանկապարտեզ սեփականաշնորհողները և նախկին ռեժիմի ներկայացուցիչները որևէ կերպ որևէ շանս չեն կարող ունենալ»,-ասաց Մարուքյանը:
ԼՀԿ խմբակցության ղեկավարը նշեց,  որ Հայաստանում ընտրությունների միջոցով ձևավորվել է  լեգիտիմ խորհրադարան և կառավարություն: «Տվյալ պարագայում Նիկոլ Փաշինյանը կլինի վարչապետ մինչև հաջորդ ընտրությունները, մինչև հաջորդ խորհրդարանական ընտրությունները՝ 2023 թ.-ը, հետևաբար, իզուր վերև-ներքև մի թռեք, ՀՀ-ն ժողովրդավարական երկիր է և ամեն բան ընտրությունների միջոցով է որոշվում»,-ասաց նա:

Մարուքյանն անդրադաձավ նաև այն հայտարարություններին, թե վարչապետի նշած գաղտնի զեկույց գոյություն չունի: «Նախկին թալանչի մանկապարտազներ սեփականաշնորհող իշխանությունների տարբեր տրամաչափի գործիչներ նշում էին, որ գաղտնի զեկույցը գոյություն չունի: Զեկույցին, որ հույժ գաղտնի է, ես ծանոթացել եմ և պնդում եմ, որ այդ զեկույցը գոյություն ունի: Իսկ թե ինչի՞ մասին է, ի՞նչ պետք է արվի, ըստ էության, մեր մասին է գրված, թե ինչ վիճակում է գտնվում ՀՀ-ն և ինչ անելքիներ կան: Մենք այդ անելքիներն անելու ենք և ՀՀ-ն տանելու ենք առաջ, որևէ բան մեզ ուղղակի չի կասեցնելու»,-ասաց նա:


Մեկնաբանություններ

Համընկնող լուրեր