Լիպեցկի շրջանի երկնքում բախվել է երկու Су-34 կործանիչ- ռմբակոծիչ ինքնաթիռ՝ օդաչուների սխալների պատճառով
Ուրբաթ օրը Լիպեցկի շրջանի երկնքում բախվել է երկու Су-34 կործանիչ- ռմբակոծիչ ինքնաթիռ՝ օդաչուների սխալների պատճառով: Այս մասին է ՏԱՍՍ-ին հաղորդել տարածաշրջանի ուժային կառույցներում աղբյուրը:«Երկու ինքնաթիռների բախումը Լիպեցկի շրջանում տեղի է ունեցել օդաչուների մեղքով, այժմ դեպքի մանրամասները պարզում է հատուկ հանձնաժողովը, որը, մասնավորապես, կորոշի յուրաքանչյուր անձնակազմի մեղքի աստիճանը (մեկ Su-34- ի անձնակազմը բաղկացած է հրամանատարից և շտուրմանից) »: - ասել է գործակալության զրուցակիցը:
Նա ավելացրել է, որ իրավիճակը դասակարգվում է որպես ինքնաթիռի վնասվածքով լուրջ պատահար: «Օդանավերից մեկը շատ լուրջ է վնասվել և պետք է վերականգնվի արդյունաբերության ուժերով: Երկրորդ ինքնաթիռը վնասվել է ավելի փոքր չափով, այն կարող է վերականգնվել օդանավակայանում», - ասել է գործակալության զրուցակիցը՝ նշելով, որ «օդաչուները հնարավոր է ստիպված կլինեն փոխհատուցել վնասը»:
