17:22 - Չի բացառվում, որ Բաքուն անցնի ահաբեկչական այլ քաղաքականության` փորձի արտասահմանում առևանգել հայերին` մեր երգիչներին, քաղաքական գործիչներին...         16:45 - Ո՞ր իրական նորմով օգնականն իրավունք ունի ղեկավարի ունեցվածը վերցնել, վերաբաշխել, վաճառել.ի՞նչ ոսկիների մասին է խոսքը      16:07 - Տեսանյութ. Հուսով եմ, Փաշինյանը հետ կկանգնի այս անիմաստ ընթացքից. հոգու խորքում ինքն էլ է այդ կարծիքին. Սեֆիլյանը՝ Ամուլսարի մասին    

13 սեպ 2019 14:54

Տեսանյութ. Մեկն էլ կասի՝ ուզում եմ ոչխարի ունքերը պինցետով քաշեմ, նոր մատաղ անեմ.դաժանության ակնհայտ դրսևորում

Այստեղ սուբյեկտիվ կողմն է կարեւոր, ինչին է ուղղված նրա դիտավորությունը, հա եթե մեկը ուզում է մատաղ անի, ասում է՝ ես ուզում եմ ոչխարի ունքերը պինցետով քաշեմ, նոր մատաղ անեմ, բնական է՝ ստեղ արդեն մատաղը չի կարեւորվում, արդեն նրա դաժանությունն է ակնհայտ։ Այս մասին այսօր՝ սեպտեմբերի 13-ին, ԱԺ-ում իր ելույթի ժամանակ ասաց ԲՀԿ-ական պատգամավոր Գեւորգ Պետրոսյանը՝ անդրադառնալով ԲՀԿ պատգամավոր Նաիրա Զոհրաբյանի ներկայացրած «ՀՀ քրեական օրենսգրքում լրացում կատարելու մասին եւ վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին օրենքների նախագծերի փաթեթին»։ Նախագծով քրեական պատիժ է սահմանվում կենդանիների նկատմամբ դաժան վերաբերմունքի համար, նախագիծը ծաղրանքի եւ լարվածության առիթ ստեղծեց Ազգային ժողովում, որը Գեւորգ Պետրոսյանին դուր չեկավ.
«Երբ ծնունդս սրտանց շնորհավորում եք, սկսում եմ կասկածել՝ սրտա՞նց էր, թե չէ։ Հիմա սկզբում ասում եք հումոր չեմ ուզում անեմ, հետո ամբողջ հարցադրումը հումորի ու սատիրայի ժանր է։ Շեղվել ենք նախագծի նպատակից, ինչ-որ աննախադեպ ակտիվություն է նկատվում։ Ասում եք օբյեկտիվ կողմի բոլոր դրսեւորումները նկարագրված չեն, ստեղ մեկը կա՞ որ կարող է Քրեական օրենսգրքում այդպիսի դիսպոզիցիա ցույց տա, որ օբյեկտիվ կողմի բոլոր դրսեւորումները նկարագրված են։ Քրեական օրենսգրքի 104-րդ հոդվածի 2-րդ մասը, որը նախատեսում է առանձին դաժանությամբ սպանության հանցակազմը, որեւէ կերպ չի կոնկրետացնում այդ առանձին դաժանությունը ո՞րն է։ Ոմանք էս ի՞նչ նոր հեղաշրջում են ուզում անել իրավագիտության մեջ։ Զուտ օրինակի համար, պարո՛ն Միրզոյան, որ ասում եք՝ մեկի նախասիրությունն է (կատու տանջել), իհարկե կարելի է անվերջ էդպես օրինակներ բերել, բայց էստեղ պետք է մի բան նկատի ունենալ, որ այստեղ սուբյեկտիվ կողմն է կարեւոր, ինչին է ուղղված նրա դիտավորությունը, հա եթե մեկը ուզում է մատաղ անի, ասում է՝ ես ուզում եմ ոչխարի ունքերը պինցետով քաշեմ, նոր մատաղ անեմ, բնական է՝ ստեղ արդեն մատաղը չի կարեւորվում, արդեն նրա դաժանությունն է ակնհայտ»։


Պետրոսյանն ակնարկեց, որ իրենք էլ որոշակիության շեշտադրումներ են անելու, երբ իշխանություններն ԱԺ բերեն քրեական ենթամշակույթին հարելը պատժելու օրինագծերը.
«Ինչպե՞ս կարող է փորձագետը եզրակացություն տա՝ դաժանություն կա, թե չէ։ Այդ հարցի գնահատականը տալիս է դատարանը։ Ես խնդրում եմ, որ բոլորս հարգանքով վերաբերենք ամեն մի պատգամավորի օրենսդրական նախաձեռնությանը, եւ փոխանակ մենք ուզենք հասկանալ նպատակը, ասում ենք ինչ-որ պարզ չի եւ այլն։ Եկեք նախագծի նպատակը հասկանանք, որ թե պոզ ու պոչ կպցնենք։ Այս տարբերակով ոչ մի օրենքի նախագիծ հաջությամբ չի կարող պսակվել»։
Պատգամավորը բերեց ծառի օրինակը, որ ամեն մեկն իր տեսանկյունից է նայում ծառին. «Մարդ կա ծառին նայում է որպես թթվածին ստեղծող ու տարածող, մարդ կա՝ որպես գեղեցկություն, մարդ էլ կա ծառին նայում է որպես վառելափայտ։ Եթե իսկապես ընդունում եք որ տիկին Զոհրաբյանը ճիշտ նկատառումներ ու թիրախ է դրել նախագծի հետեւում, ապա եկեք մասնագիտական որակում տանք»։


Մեկնաբանություններ

Համընկնող լուրեր