Վարչապետը բավարարված չի եղել Օսիպյանի ու Վանեցյանի աշխատանքով.Ազատ գեղագրության ոճի հայտարարությունները վայել չեն ԱԱԾ տնօրենին

ԱԺ նախագահը նշեց, որ տոնական օրով չի ցանկանում անդրադառնալ այլ օրակարգային թեմաների, սակայն, այնուամենայնիվ, պատասխանեց  լրագրողի հարցին՝ ուժային երկու կառույցների՝ ԱԱԾ-ի և Ոստիկանության նախկին ղեկավարներ Արթուր Վանեցյանի և Վալերիյ Օսիպյանի հրաժարականներին:
«ՀՀ վարչապետը, բավարարված չլինելով իր երկու գեներալների աշխատանքով, նրանց ազատել է աշխատանքից: Միայն գործընկերային, հարգալից դրդապատճառներով առաջարկվել է այդ ազատումը ձևակերպել հրաժարականի դիմումի տեսքով, ինչը բավականին նորմալ է: Այստեղ որևէ շահարկման, էլ չեմ ասում՝ իշխանության սասանման, պառակտման մասին խոսք չկա և չի կարող լինել»,-ասաց ԱԺ նախագահը: