Ինչպե՞ս ճանաչել միկրոկաթված եք տարել, թե...
Տրանզիտորային իշեմիկ հարձակումը (ՏԻՀ) կամ միկրոկաթվածը գլխուղեղի նյարդաբանական գործառույթների կարճաժամկետ խանգարումն է, որը մեծացնում է կաթվածի առաջացման ռիսկը հետագայում։Բժիշկներն ասել են, թե ինչպես ճանաչել միկրոկաթվածի նախանշանները, հաղորդում է National News-ը։
Հստակեցվում է, որ միկրոկաթվածի հիմնական նախանշաններն են աչքերի երկվությունը, ինչպես նաև քնելուց հետո վերջույթների ընդարմացումը։
Բացի այդ, միկրոկաթվածի մասին կարող է վկայել կոորդինացիայի կորուստը և հանկարծակի գլխացավը։
Հիվանդության նախանշան են համարվում նաև գիտակցության մթագնումն ու խոսքի հետ կապված խնդիրները։
Այդ վիճակը սովորաբար մոտ 5 րոպե է տևում և ուղեղի մշտական ախտահարման չի հանգեցնում: Միկրոկաթվածն առավել անվտանգ է համարվում, քան կաթվածը, սակայն Նյուրենբերգի Էռլանգենի համալսարանի գիտնականներն զգուշացնում են, որ ՏԻՀ հարվածից 3 ամիս անց գրեթե բոլոր հիվանդների մոտ հետվնասվածքային սթրեսային հոգեվիճակ է դրսևորվում, մտավոր ունակությունների նվազում է արձանագրվում: Մասնագետների կարծիքով՝ այդ խնդիրը հնարավոր է կանխել, եթե հիվանդներն սկսեն սթրեսի դեմ պայքարել:
