19:08 - Ժողովրդին մեղքերի թողություն պետք չէ, պարտքերի թողություն է պետք         17:15 - Աղմկոտ հայտարարություն Ստեփանակերտում. Փաշինյան-Սահակյան հանդիպում Երեւանում      16:55 - Չեմ կարծում, որ մեր փողոցներում պետք է մեր ղեկավարների խոսքերը փակցնենք.Սա ո՛չ Սովետական միությունն է, ո՛չ Կիմ Չեն Ինի Կորեան    

11 հոկ 2019 11:38

Տղամարդու կրծքերը սկսել են մեծանալ հոգեմետ դեղերի ընդունումից հետո

Ֆիլադելֆիայի դատարանի վճռով ամերիկյան Johnson&Johnson ընկերությունը պարտավորվել է Նիկոլաս Մյուրերին հոգեմետ դեղերի ընդունումից հետո ստացած կողմնակի էֆեկտի համար որպես փոխհատուցում 8 մլրդ դոլար վճարել:
Reuters-ի հաղորդմամբ՝ մանկության տարիներին պացիենտին «Ռիսպերդալ» էին նշանակել, որը նախատեսված է շիզոֆրենիայի եւ բիպոլյար խանգարման նոպաները կանխելու համար: Արդյունքում տղամարդու մոտ գինեկոմաստիա է զարգացել՝ էնդոկրին խանգարում, որը հանգեցնում է կաթնագեղձերի մեծացմանը:
Սա նման առաջին դեպքը չէ: Անցած տարի հունվարին հաղորդվել է, որ Ֆիլադելֆիայի շրջանային դատարանը քննել է Թիմոտի Սթենջի հայցն ընդդեմ Janssen Pharmaceuticals-ի, որը մտնում է Johnson&Johnson կորպորացիայի կազմում:

12 տարեկանում Սթենջին, որը տառապում էր Տուրետի համախտանիշով, «Ռիսպերդալ» էին նշանակել: Դրանից հետո նրա մոտ եւս գինեկոմաստիա էր զարգացել: Վիրահատական միջամտությունից հետո նրա մոտ սպիներ էին մնացել:
2015-ին դատարանը վճռել է, որ դեղամիջոց արտադրողը նրան պետք է 500 000 դոլար  վճարի: Ավելի ուշ գումարն ավելացել է 35 000 դոլարով՝ փոխհատուցման վճարումը ուշացնելու համար:
2018-ի տվյալներով՝ Ֆիլադելֆիայի դատարանները քննում են այդ դեղամիջոցի կողմնակի ազդեցությունից տուժած ավելի քան 5500 տղամարդկանց հայցերը:


Մեկնաբանություններ

Համընկնող լուրեր