Թրամփի նամակը՝ Էրդողանին.Մի՛ եղեք հրեշ, մի՛ եղեք համառ տղա,մի՛ եղեք հիմար
ԱՄՆ նախագահ Դոնալդ Թրամփը թուրք գործընկեր Ռեջեփ Թայիփ Էրդողանին ուղղված նամակում առաջարկել է պայմանավորվածության գալ քրդերի հետ և սպառնացել ոչնչացնել հանրապետության տնտեսությունը։ Նամակի տեքստը հրապարակել է CNN-ը։Նշվում է, որ նամակը թվագրված է հոկտեմբերի 9-ով, դրանում Թրամփն առաջարկում է «լավ գործարք», որպեսզի Էրդողանը պատասխանատվություն չկրի հազարավոր մարդկանց սպանության համար, իսկ ԱՄՆ նախագահը՝ թուրքական տնտեսության ոչնչացման համար։
«Պատմությունը Ձեզ շնորհակալություն կասի, եթե ամեն ինչ ճիշտ անեք։ Իսկ եթե ոչ, պատմության մեջ կմնաք որպես հրեշ։ Մի՛ եղեք համառ տղա, մի՛ եղեք հիմար»,-ասվում է նամակում։
