«Եթե Իրանն իրեն մի քանի բան թույլ տա անել, մենք կհարվածենք նրան այնպես, ինչպես երբեք». Թրամփ
Միացյալ Նահանգների նախագահ Դոնալդ Թրամփը հայտարարել է, որ ԱՄՆ-ն կարող է մասնակցել նոր պատերազմների: Այս մասին տեղեկացնում է politico.eu կայքը:Թրամփը հատկապես սպառնացել է «այնպես հարվածել Իրանին, ինչպես երբևէ», եթե Իրանի ռեժիմը սադրի ԱՄՆ-ին:
«Ես փորձում եմ դուրս գալ պատերազմներից: Սակայն հնարավոր է, որ մենք նորից ստիպված կլինենք մասնակցել պատերազմների: Մենք պատրաստ ենք, ինչպես երբեք: Եթե Իրանն ինչ-որ բաներ անի, մենք կհարվածենք նրանց այնպես, ինչպես երբեք»,- ասել է նա լրագրողներին:
ԱՄՆ նախագահը նշել է, որ չի ցանկանում ԱՄՆ-ն ներքաշել պատերազմների մեջ, քանի որ հեռավոր երկրներից ամերիկացի զինծառայողների վերադարձն ԱՄՆ իր նախընտրական խոստումներից է:
«Երբեմն պատերազմելու ժամանակն է գալիս, սակայն լինում է ժամանակ, երբ պետք է խելացի գործել, ոչ թե պատերազմել»,- հավելել է նա:
Այնուամենայնիվ, Թրամփի որոշումը՝ Սիրիայից զորքը դուրս բերելու հետ կապված, ԱՄՆ-ի օրենսդիրներին և Պենտագոնի աշխատակիցներին ստիպել է անհանգստանալ «Իսլամական պետություն» ահաբեկչական խմբավորման վերածննդի հնարավորության առնչությամբ:
Չնայած Սիրիայից զորքերը հանելուն և Թրամփի խոստմանը՝ մշտական պատերազմներին վերջ դնելու մասին, ԱՄՆ պաշտպանության նախարար Մարկ Էսպերն այս ամսվա սկզբին հայտարարել էր, որ իրենք զորքեր են տեղակայելու Սաուդյան Արաբիայում, որպեսզի պաշտպանեն վերջինիս իրանական ռեժիմից:
