17:20 - Կոտայքի մարզում տաք հետքերով հայտնաբերել են զինված ու դիմակավորված ավազակային հարձակում կատարողներին         16:39 - Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր      16:15 - Ֆրանսիայում պղծել են Հայոց ցեղասպանության զոհերի հիշատակին կանգնեցված խաչքարը    

24 հոկ 2019 16:26

System of a Down աշխարհահռչակ ռոք խմբի անդամները վրդովված են հայկական որոշ լրատվամիջոցների նյութերից

System of a Down աշխարհահռչակ ռոք խմբի անդամները վրդովված են հայկական որոշ լրատվամիջոցների նյութերից, որտեղ նշվում է, թե բենդը գումար է վաստակել 2015թ. Հայոց ցեղասպանության տարելիցին ունեցած համերգից:
«Ցավալի է, թե ինչպես է ցանկացած բան քաղաքականացվում. ինչպես է քաղաքական նպատակներով արվեստն ապատեղեկատվության, այլ կերպ ասած` կեղծ լուրերի միջոցով վարկաբեկվում: Մենք վերջերս հայկական մամուլում նկատեցինք որոշ հրապարակումներ, որտեղ նշվում է, թե շահույթ ենք ստացել Հայոց ցեղասպանության 100-րդ տարելիցի կապակցությամբ Հանրապետության հրապարակում տեղի ունեցած համերգից:
Ոչինչ չէր կարող իրականությունից ավելի հեռու լինել, քան սա է:
Հայաստանի կառավարությունը 2015թ. մեզ հրավիրել էր և հովանավորների միջոցով փակել էր այն ծախսերը, որոնք ներառում էին բեմի կահավորումը, համերգի կազմակերպչական, անձնակազմի ծախսերի, թռիչքների և կացարանի հարցերը:
SOAD-ից կամ մեր պրոֆեսիոնալ թիմից ոչ ոք ոչ մի լումա չի վաստակել 2015 թվականի մեր շոուից: Մենք մեծահոգաբար ընդունել ենք հաջորդ ամռանը Երևանում համերգ ունենալու Հայաստանի ներկա կառավարության նմանատիպ առաջարկը (ամսաթիվը կհայտարարվի շուտով),  և դրանից մեր խումբը ոչ մի գումար չի ստանալու: Մենք ցավում ենք, որ ստիպված ենք նման հայտարարությամբ հանդես գալ: Զզվելի է, որ մեր բենդն օգտագործվում է քաղաքական նպատակներով»,- գրված է SOAD-ի հայտարարության մեջ:



Մեկնաբանություններ

Համընկնող լուրեր