17:00 - Հայաստանն ամենաանվտանգ և ապահով երկրների ցանկում է՝ ըստ Gallup ինստիտուտի «Օրենք և կարգապահություն 2019» զեկույցի         16:14 - Մոր և քրոջ հետ 9-րդ հարկից նետված 4-ամյա տղան սկսել է ինքնուրույն շնչել      15:58 - Ավինյանն առանց Նիկոլ Փաշինյանի փոփոխություններ է կատարել նրա որոշումներում    

07 նոյ 2019 12:53

Ձմեռային զորակոչ ու զորացրում հայտարարելու նախագիծը մտահոգություններ է առաջացրել Առողջապահության նախարարությունում

Մեկնարկել է կառավարության հերթական նիստը: Մինչ օրակարգը հաստատելը առողջապահության փոխնախարար Անահիտ Ավանեսյանն առաջարկեց նիստի օրակարգից հանել Պաշտպանության նախարարության ներկայացրած նախագիծը, որը վերաբերում է ձմեռային զորակոչ ու զորացրում հայտարարելուն:

«Մենք խնդիր ենք տեսնում, խնդրում ենք օրակարգից հանել, լուրջ մտահգություն ունենք»:
Առողջապահության փոխնախարարին արձագանքեց պաշտպանության նախարարի տեղակալ Գաբրիել Բալայանը:
«Ճիշտն ասած`անակնկալի եկա, որովհետև երեկ եմ խոսել առողջապահության նախարարի տեղակալ, պարոն Հակոբյանի հետ, անակնկալի եկա ես»:
Առողջապահության փոխնախարար Անահիտ Ավանեսյանը մանրամասնեց, որ փոփոխություններ են եղել, և դա է պատճառը:

«Պարոն Հակոբյանը փորձել էր պարզել՝ արդյո՞ք փոփոխություններ կան, պատասխանել էին՝ չկան, բայց մենք տեսանք, որ կան, խնդրում ենք լրացուցիչ քննարկման ներկայացնել»:
Սակայն պաշտպանության փոխնախարարը հայտարարեց, որ հարցը հրատապություն ունի: Եվ քանի որ հարցը զեկուցվող էր, վարչապետ Նիկոլ Փաշինյանն առաջարկեց զեկուցելու ընթացքում քննարկումները շարունակել:




Մեկնաբանություններ

Համընկնող լուրեր