Վերջին հրաժեշտը տվեցին դասախոսի կողմից դաժանաբար սպանված երիտասարդ աղջկան
Կրասնոդարի երկրամասում ՝ Ստարովելիչկովսկայա գյուղում տեղի է ունեցել Սանկտ Պետերբուրգում սպանված ասպիրանտ Անաստասիա Եշչենկոյի հետ հրաժեշտի արարողությունը, հայտնում է ТАСС-ը:Հուղարկավորության արարողությունը կատարվել է նոյեմբերի 16-ի առավոտյան: Արարողությանը ներկա են եղել հանգուցյալի հարազատները, տեղի բնակիչները և ղեկավարության ներկայացուցիչները: Հրաժեշտի արարողությունը տեղի է ունեցել աղջկա ծնողների տանը:
Աղջիկը կհուղարկավորվի գյուղի գերեզմանատանը, որտեղ թաղված են նրա հարազատները:
Ըստ քննչական վարկածի՝ նոյեմբերի 7-ին Սանկտ Պետերբուրգի պետական համալսարանի նախկին դոցենտ Օլեգ Սոկոլովը սպանել էր ասպիրանտ Անաստասիա Եշչենկոյին: Նոյեմբերի 9-ի գիշերը նա որոշել է ազատվել մարմնից և այն մասնատել է:
Ինչպես ավելի վաղ հայտնել էինք, Սանկտ Պետերբուգում քրեական գործ է հարուցվել դասախոսի նկատմամբ, որի ուսապարկում իրավապահները հայտնաբերել են կնոջ կտրած ձեռքեր։
