16:03 - Տեսանյութ. Վթարը սարքել են.Իմ տղայից էն կողմ ոչ մեկ չկա․ պատրաստվում եմ՝ վերացնեմ ինձ.ինքնահրկիզման փորձ         15:52 - Դեկտեմբերի 13-ին, ժամը 13:00-ին «Հայացք» մամուլի ակումբի հյուրն է Րաֆֆի Հովհաննիսյանը      15:44 - Հաջողություն գրանցած մարզիկները ևս կզորակոչվեն բանակ    

04 դեկ 2019 17:11

Ադրբեջանի տեսլականը.Ադրբեջանը չի տեսնում կոնֆլիկտի քաղաքական լուծումը վերը գծագրված սահմաններից դուրս

Ադրբեջանը ներկայացրել է փաստաթուղթ, որտեղ արտացոլված է Լեռնային Ղարաբաղի հիմնահարցի խաղաղ կարգավորման իր տեսլականը:
Փաստաթուղթը հրապարակվել է Ավստրիայում Ադրբեջանի դեսպանատան Twitter-ում, եւ տարածվել է ԵԱՀԿ նախարարների խորհրդի մասնակիցների շրջանում, որը մեկնարկում է Բրատիսլավայում դեկտեմբերի 5-ին:



Փաստաթղթի մեջ նշվում է, որ Ադրբեջանի Հանրապետությունը նախկինի պես հանձնառու է կոնֆլիկտը լուծել քաղաքական ճանապարհով ԵԱՀԿ Մինսկի խմբի շրջանակներում:
«Կոնֆլիկտի կարգավորումը հնարավոր է միայն Հելսինկյան եզրափակիչ ակտում ամրագրված միջազգային իրավունքի նորմերի ու սկզբունքների հիման վրա, Ադրբեջանի Հանրապետության ինքնիշխանության ու տարածքային ամբողջականության նկատմամբ լիակատար հարգանքի պայմաններում, նրա՝ միջազգայնորեն ընդունված սահմանների շրջանակում»,- ասված է փաստաթղթում:
Ադրբեջանական կողմը նշում է, որ կողմ է կոնֆլիկտի լուծման փուլային ճանապարհին, որը հիմնված ՄԱԿ-ի Անվտանգության խորհրդի բանաձեւերի, մասնավորապես՝ 1994թ. Բուդապեշտի գագաթաժողովի որոշման վրա:
Առաջին քայլը պետք է լինի Լեռնային Ղարաբաղի ու Ադրբեջանի մնացած այլ զավթած տարածքներից հայկական զինված ուժերի լիակատար ու անվերապահ դուրսբերումը:
Դրան պետք է հետեւի ադրբեջանական բռնի տեղահանված ազգաբնակչության վերադարձն անվտանգության բոլոր միջոցառումների կիրառմամբ, ինչպես նաեւ տարածաշրջանում կոմունիկացիաների բացումը:
Փաստաթղթում ասվում է, որ հաջորդ փուլում Ադրբեջանը տեսնում է Լեռնային Ղարաբաղի կարգավիճակի որոշումն Ադրբեջանի կազմում, Ադրբեջանի Սահմանադրության ու օրենսդրության համապատասխանությամբ:
Այդպիսի կարգավիճակը պետք է ապահովի տարածաշրջանի հայ եւ ադրբեջանցի համայնքների խաղաղ համակեցությունը, պետք է երաշխավորի մարդու իրավունքների ու ազատությունների լրիվ իրացումը հավասար ու ոչ խտրական հիմքերի վրա:
«Կարգավիճակի հստակեցումը պետք է տեղի ունենա խաղաղ պայմաններում, օրինական գործընթացի շրջանակներում, Ադրբեջանի Ղարաբաղյան ռեգիոնի ազգաբնակչության մասնակցությամբ, այն է՝ հայ եւ ադրբեջանցի համայնքների՝ բացառապես օրինական ու ժողովրդավարական գործընթացի շրջանակներում Ադրբեջանի կառավարության հետ փոխգործակցության արդյունքում»,- նշված է հռչակագրում:
Որպես եզրափակում՝ փաստվում է, որ Ադրբեջանը չի տեսնում կոնֆլիկտի քաղաքական լուծումը վերը գծագրված սահմաններից դուրս:

Մեկնաբանություններ

Համընկնող լուրեր