Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

06 դեկ 2019 15:44

Սերժ Սարգսյանն իմ ընկերն է ու մնալու է իմ ընկերը, նա հափշտակող չէ.Ես մահացե՞լ եմ

Այդպիսի բանը բացառված է, Սերժ Սարգսյանն ի՞նչ կապ ունի «Ֆլեշ»-ի հետ: Լրագրողների հետ զրույցում հայտարարել է գործարար Բարսեղ Բեգլարյանը:
Դիտարկմանը, որ նախագահն իր ընկերն է, գործարարն ասաց՝ հետո ի՞նչ. «Բոլորն էլ իմ ընկերներն են»:


Ինչ վերաբերում է իրեն առաջադրված նոր մեղադրանքին, գործարարն ասաց, որ իրեն երկուշաբթի են հրավիրել ՀՔԾ, կգնա կիմանա, թե ինչի մասին է ու կկարողանա խոսել, իսկ մինչ այդ չի կարող խոսել, քանի որ որևէ բանից տեղյակ չէ, իրեն տեղյակ չեն պահել:
Խոսելով Սերժ Սարգսյանի գործի մասին՝ Բեգլարյանը հայտարարեց, որ այդ գործով 1,5-2 ամիս առաջ հարցաքննվել է: Սերգո Կարապետյանի հետ առերեսում եղել է: Սակայն երրորդ նախագահի հետ առերեսում չի եղել, նրա հետ քննարկում չի եղել նաև մեղադրանքից հետո:
Սերժ Սարգսյանն իմ ընկերը եղել է, կա ու մնալու է, դա գաղտնիք չէ: 
Գործարարը, խոսելով երրորդ նախագահին առաջադրված մեղադրանքի մասին, համոզմունք հայտնեց, որ այդ մեղադրանքը նույնիսկ ծիծաղելի է. «Նա հափշտակող չէ, ամեն ինչ արել է օրենքի տառին համաձայն»:


Բեգլարյանի խոսքերով, Սերժ Սարգսյանի քրեական գործում գործ չկա:

Բարսեղ Բեգլարյանը, պատասխանելով հարցին, թե ով է իր հեռախոսազանգին պատասխանել ու ասել, թե իբր ինքը մահացել է, ասաց. «Ես մահացե՞լ եմ: Ես չգիտեմ, թե ով է պատասխանել, այդ ինֆորմացիան որտեղից է, տեղյակ չեմ»:

Դիտարկմանը, որ ինչ-որ մեկը «Սամվել Ալեքսանյանի» ոճով պատասխանել է հեռախոսազանգին, Բեգլարյանն ասաց, որ այդ ոճին ծանոթ չէ, ամեն մարդ իր ոճն ունի, ինքն էլ ունի իր ոճը. «Ես ինքս ինձ եմ նման: Մահացե՞լ եմ, ես հիմա ձեզ հետ խոսում եմ: Ես ի՞նչ իմանամ, թե ով է պատասխանել իմ հեռախոսազանգին: Իմ հեռախոսը ես թողնում եմ աշխատանքի վայրում, վարորդի մոտ, օգնականիս մոտ, իսկ հրապարակումը չեմ կարդացել»:
Բեգլարյանը նշեց, որ ոչ միշտ են իրեն զեկուցում զանգերի մասին, իսկ իր մահվան մասին հայտարարողը կամ կատակ է արել, կամ ցանկանում է, որ ինքը մահանա:
Գործարարը նաև հայտնեց, որ խոշոր գումար է փոխանցել Հայաստան համահայկական հիմնադրամին՝ պատասխանելով համապատասխան հարցին:


Մեկնաբանություններ


Համընկնող լուրեր