Ամանորին ունեմ սովորություն՝ ամեն տարի մի նոր բան պետք է պատրաստեմ

 

-Եթե ամփոփենք 2019թ-ը, այն և՛ ձեռքբերումների, և՛ ալիքաձև ընթացքի տարի էր: Գործադիրից հետո օրենսդիրում մի փոքր բարդ էր, քանի որ ազգաբնակչության համար դու մնում ես կարևորագույն հարցերի բարձրաձայնող, լուծող, ինչու չէ նաև գործադիրում իրենց գործերն առաջ տանող: Այդ առումով տարին ծանրաբեռնված էր:

 

-Գլխավոր ձեռքբերումներն որո՞նք են եղել:      

 

-Ձեռքբերումներն իհարկե շատ էին, բայց ուզում եմ առանձնացնել հատկապես մեկը:  Ամենա նշանակալի ձեռքբերումն ինձ համար Արցախի և Հայաստանի մարզերի պատանիների ամառային ճամբարի կազմակերպումն էր: Արցախում կազմակերպվեցին 11 օրյա ճամբարներ: Հայաստանի մարզերի բազմաթիվ երիտասարդներ եղան Արցախում և փոխվեց այն պատկերացումը, որ Արցախում միայն զինվորներ են, զինված գործողություններ: Կարևոր էր նաև Արցախի և Հայաստանի երիտասարդների շփումը իրար հետ, փոխադարձ վստահությունը: 

 

-Բացթողումների մասին ի՞նչ կասեք:

 

-Բացթողումներ նույնպես կան, այն որ շատ խնդրահարույց օրենքներ չհասցրեցինք փոխել այս տարի: 2020-ին պլանավորվում է, այնքան շատ են լրամշակման կարիք ունեցող օրենքները, որ չհասցրեցինք ամբողջացնել:

 

-Իսկ որո՞նք են 2020թ-ի սպասելիքները, ակնկալիքները:

 

-2020 թվականն առավել բուռն կլինի, քանի որ բոլոր պատգամավորներն արդեն հստակ պատկերացնում են ընթացքները և առաջնային անհրաժեշտությունները:

 

-Ամանորի խորհուրդը Ձեզ համար:

 

-Ամանորն ինձ համար նոր սկիզբ է, վերլուծելու, վերաարժևորելու ձեռքբերումները և հնարավորություն նորովի առաջ գնալու՝  հենվելով ձեռք բերված կարողությունների վրա: Մենք ունենում ենք հնարավորություն հետ նայելու և գնահատելու իրավիճակը նորովի և հստակեցնելու մեր երազանքները:

 

-Որտե՞ղ և ինչպե՞ս եք սիրում դիմավորել Ամանորը:

 

-Ամանօրը միշտ դիմավորոլ եմ ընտանիքիս հետ: Միայն մեկ անգամ եմ դիմավորել  դրսում, որը մեծ տխրություն էր ինձ համար, քանի որ սա այն տոնն է որ պետք է լինես ընտանիքիդ հետ, հարազատ, տաք միջավայրում:  Այս տարի նույնպես դիմավորելու եմ հայրական տանս՝ Մեծ Մանթաշ գյուղում: 

 

-Ձեր նախընտրած ամանորյա ուտեստը, որը ինքներդ եք պատրաստում:

 

-Անկեղծ ասած խոհանոցը շատ եմ սիրում և պատրաստում եմ գրեթե ամեն ինչ: Վերջին շրջանում ամանօրյա բդի պատրաստումն ինձ վրա է դրված: Ամանորին նաև ունեմ սովորություն ամեն տարի մի նոր բան պետք է պատրաստեմ: Այս տարի դեռ չեմ մտածել ինչ, բայց վստահեցնում եմ այս անգամ էլ կլինի նոր ուտեստ: 

 

-Ի՞նչ սովորություններ ունեք տոնի հետ կապված, որոնք արդեն ավանդույթ են դարձել:

 

-Պարտադիր կերպով այցելում եմ հարազատներիս, բարեկամներիս:

Զբաղվածության պատճառով քանի որ հարազատներիս հաճախ չի ստացվում այցելել, ապա այս օրերն եմ օգտագործում: 

 

-Ամանորյա երազանքներ պահո՞ւմ եք, հավատո՞ւմ եք հրաշքների:

 

-Հրաշքների միշտ է պետք հավատալ:

Հրաշքներին հավատում եմ, քանի որ հավատալու դեպքում դրանք իրականանում եմ: 

 

-Իմ կյանքում ես ձեռք եմ բերել այն ամենը, ինչ որ եղել է առաջնային: Ունեմ փոխելու բաներ անձնական կյանքում, գտնում եմ, որ յուրաքանչյուր հայ կին շատ լավ մայր է: 

Այս առումով, կարծում եմ, ոչ թե պետք է ժամանակը հետ տալ, այլ ժամանակը ճիշտ օգտագործել:

 

-Տարիներ առաջ ես կցանկանայի բարեկեցություն, իսկ այսօր համբերություն, որովհետև մենք գնում ենք բարեկեցիք կյանքի ապահովման ճանապարհով:

Կցանկանամ խաղաղություն մեր ներաշխարհին, ուզում եմ որ խաղաղվենք մեր ներսում, և սթափ գնահատենք թե ինչ կարող էինք անել, բայց չարեցինք: Համախմբվածություն եմ ցանկանում մեր ազգին: 

2020թ-ը թող լինի ձեռքբերումների տարի՝ ասեմ Մետաքսեի խոսքերով. «Թե աշխարհում փակ դռներ կան, թող որ բացվեն այս գիշեր»: 

Այո, ցանկանում եմ, որ մեր երկրում որևէ մեկը չփակի իր դուռը և չգնա երկրից, այլ հակառակը՝ վերադառնա և այս տարի բացի իր դռները, հանուն մեր պետության ամրացման և իր իսկ բարեկեցիկ կյանքի: 

Hayacq.com