Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին          Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը       Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը    

21 հուն 2020 14:42

Տեսանյութ. Պաշտպանների կողմից նիստերը հետաձգվում են միտումնավոր. Դատախազ

Դատական նիստերի ձգձգվելը և հետաձգվելը որևէ կապ չունի միջնորդության քննության հետ։ Սա պաշտպանների կողմից դրսևորված վարքագիծ է՝ դատական նիստերն արհեստականորեն հետաձգելու և դատարանն արդեն արձանագրել է պաշտպանների կողմից իրենց դատավարական պարտականությունները չարամտորեն չկատարելը։ Լրագրողների հետ զրույցում այս մասին ասաց ՀՀ երկրորդ նախագահ Ռոբերտ Քոչարյանի և մյուսների գործով մեղադրող դատախազ Պետրոս Պետրոսյանը։ 
Հարցին՝ որն է նիստերը հետաձգելու նպատակը, դատախազը նկատեց՝ չի կարող կանխատեսումներ անել, թե պաշտպաններն ինչից ելնելով են ձգձգում դատական նիստերը. «Բայց կարող ենք հաստատապես պնդել, որ նիստերը ձգձգվում է պաշտպանների կողմից՝ միտումնավոր»,-նշեց Պետրոս Պետրոսյանը։
Դիտարկմանը Ռ. Քոչարյանի պաշտպանները պատրաստվում են դատավոր Աննա Դանիբեկյանին ինքնաբացարկի միջնորդություն ներկայացնել, Պետրոս Պետրոսյանն արձագանքեց. «Այս փուլում դատարանի ինքնաբացարկի հարցը քննարկվել է։ Նույն փուլում նույն միջնորդությունները քննարկվում են քրեադատավարական որոշակի պահանջների առկայության դեպքում, օրինակ` պետք է նոր հանգամանքներ, նոր փաստարկներ դրվեն միջնորդության հիմքում, որպեսզի դատարանի համար հնարավորություն ստեղծվի այդ միջնորդությունը հստակ քննարկելու»,-հավելեց դատախազը։

Մեկնաբանություններ


Համընկնող լուրեր