17:00 - Աշխատավարձը նախարարների միակ կամ նույնիսկ հիմնական եկամուտը չի         16:27 - Վրացի հաղորդավարի հայատյաց հայտարարությունը սուր քննադատության է արժանացել Վրաստանում      16:03 - Ի՞նչ աջակցություն կարող են ստանալ նրանք, ովքեր իրենց բիզնեսը հիմնել են այս տարվա հունվարից    

13 մար 2020 17:01

Տեսանյութ. Թաղապետարանի աշխատակից ներկայացած անձը փորձել էր կողոպտել թոշակառուին․ ոստիկանների բացահայտումը

Դեպքը Մալաթիա-Սեբաստիա վարչական շրջանում էր կատարվել` փետրվարի 28-ին:
Օրը ցերեկով ինչ-որ մեկը մտել էր Օհանովի փողոցի շենքերից մեկը, բարձրացել չորրորդ հարկ, թոշակառու տանտիրուհուն ներկայանալով որպես թաղապետարանի աշխատակից` բնակարան էր մտել, կապել միայնակ կնոջ ձեռքերն ու բերանը, տունը տակնուվրա անելուց հետո հափշտակելու հարմար բան չգտնելով` փախել էր:
Դեպքից րոպեներ անց կատարվածի վերաբերյալ ոստիկանության Մալաթիայի բաժնում ահազանգ ստացվեց: Իրավապահներն անհապաղ Օհանովի փողոց մեկնեցին:
Քրեական հետախույզները լսեցին տուժողին: Ուսումնասիրեցին բնակարանը:
Դեպքի առթիվ հարուցվեց քրեական գործ:
Կողմնորոշումներ ուղարկվեցին ոստիկանության մյուս ստորաբաժանումներ: Մշակվեց օպերատիվ միջոցառումների պլան: Տրվեցին համապատասխան հանձնարարականներ թե՛ քրեական հետախույզներին, թե՛ համայնքային ոստիկաններին: Եվ դեպքից օրեր անց հետևողական աշխատանքը դրական արդյունք տվեց:
Բացահայտման ուղղությամբ ձեռնարկված լայնածավալ որոնողական աշխատանքի արդյունքում տեղեկություններ ստացվեցին, որ հանցագործությունը հնարավոր է կատարած լինի Հաղթանակ փողոցի 35-ամյա մի բնակիչ: Մարտի 1-ին կասկածվողը Շերամի փողոցից բերման ենթարկվեց ոստիկանության Մալաթիայի բաժին և տվեց խոստովանական բացատրություն:
Դեպքի հանգամանքները պարզվում են:
Հարուցված քրեական գործի նախաքննությունը շարունակվում է:
ՀՀ ոստիկանություն


Մեկնաբանություններ

Համընկնող լուրեր