20:50 - «Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը         17:00 - Տեսանյութ.Կապ չունի տանից 100 մետր եք հեռու, թե՝ 5 կմ, կողքի շենքի խանութ,100 հազար դրամով կտուգանվեք      16:32 - Զգուշացնում եմ,չափերը մի անցեք. Վիտալի Բալասանյանն ահազանգում է    

17 մար 2020 13:17

Պարզաբանում՝ սպիրտի, ալկոգելի, զուգարանի թղթի և այլ ապրանքների թանկացման վերաբերյալ

Տնտեսական մրցակցության  պաշտպանության պետական հանձնաժողովի նախագահ Գեղամ Գևորգյանը մամուլի ասուլիսի ընթացքում հերքել է այս օրերին շրջանառվող մի շարք տեղեկություններ՝ կապված որոշ ապրանքատեսակների դեֆիցիտի և թանկացման հետ։
Հանձնաժողովի նախագահը նշեց, որ սպիրտի թանկացումը որևէ առնչություն չունի կորոնավիրուսի տարածման հետ։ Գնի բարձրացումը կապված է բացառապես հարկային օրենսգրքում տեղի ունեցած փոփոխություններով. դա  համահունչ է ԵԱՏՄ մեր պարտավորություներին:


Գեղամ Գևորգյանը հերքեց նաև ալյուրի թանկացման մասին լուրերը՝ հայտնելով, որ Հանձնաժողովը մշտական մոնիթորինգ է իրականացնում խոշոր առևտրային ցանցերում. այնտեղ ալյուրի գնաճ չի արձանագրվել։ Միաժամանակ Գևորգյանը չբացառեց, որ որոշ տնտեսվարող սուբյեկտներ կարող են օգտվել իրավիճակից և անհիմն թանկացնեն ապրանքների գները՝ նշելով, որ նման դեպքերը հայտնաբերվելու և պատասխանատվության են ենթարկվելու։



Ինչ վերաբերում է ալկոգելի դեֆիցիտին և գնի բարձրացմանը` Գեղամ Գևորգյանը տեղեկացրեց, որ Հայաստանում գործում են ալկոգել արտադրող մի քանի ընկերություններ, որոնց հետ ՏՄՊՊՀ-ն ամենօրյա կապի մեջ է, և տեղական արտադրողները ալկոգելի գինը չեն բարձրացրել։
Անդրադառնալով որոշ քաղաքացիների՝ մեծ քանակով զուգարանի թուղթ և անձեռոցիկ գնելուն՝ ՏՄՊՊՀ նախագահը նշեց, որ մեծաքանակ գնումների կարիք չկա, քանի որ Հայաստանում գործում է անձեռոցիկի, զուգարանի թղթի, օճառի և մի շարք այլ տնտեսական ապրանքների արտադրություն։


infocheck.am

Մեկնաբանություններ

Համընկնող լուրեր