Կորոնավիրուսը կարող է փոխանցվել սեռական ճանապարհով.. ՌԴ ԱՆ գլխավոր ուրոլոգ. Ինտերֆաքս
ՌԴ առողջապահության նախարարության գլխավոր ուրոլոգ Դմիտրի Պուշկարը հայտարարել է, որ նոր տիպի կորոնավիրուսը փոխանցվում է նաեւ սեռական ճանապարհով, հայտնում է Ինտերֆաքսը:«Դուք պետք է հասկանաք, որ եթե սկսվում է մերձեցումը, ապա սեռական ճանապարհն ամենակարևորը չէ, թեեւ, իհարկե, դրա մասին եւս պետք է մտածեք, մանավանդ որ կարանտինում եք գտնվում», — ասել է բժիշկ-փորձագետը:
Երբ կորոնավիրուսային վարակի մասին տեղեկությունները գալիս էին միայն Չինաստանից, սկզբում ենթադրվում էր, որ այն չի փոխանցվում մարդուց մարդուն, և առաջին վարակված անձինք այցելել են Ուհանի ծովամթերքների շուկա, որտեղ նրանք կարող էին վարակվել վաճառվող կենդանիներից և մսից: Բժիշկների վարակվելուց հետո ակնհայտ դարձավ, որ վիրուսը մարդուց մարդուն է փոխանցվում: Բելգիայի լրատվամիջոցները հայտնեցին, որ կատուն վարակվել է տիրոջից, Հոնկոնգում՝ շունը:
Ապրիլի 1-ին ՌԴ Պետդումայի պատգամավոր Վլադիմիր Բուրմատովը հայտնել էր, որ գիտնականները բացառում են այդ վարկածները, և որ կատուներն ու շները չեն կարող վարակվել COVID-19 կորոնավիրուսով և տարածել այն:
Այժմ համարվում է, որ վիրուսը փոխանցվում է օդակաթիլային ճանապարհով, ինչպես նաև այն առարկաների միջոցով, որոնց վրա կարող է պահպանվել մի քանի օր: Ռոսպոտրեբնադզորը, վկայակոչելով ԱՀԿ տվյալները, հայտարարել է, որ վիրուսը թղթի վրա՝ ներառյալ փողը, մնում է մինչև երեք օր, իսկ պլաստիկ բանկային քարտերի վրա ՝ մինչև ինը օր: Ապրիլի 1-ին գերատեսչությունը ռուսաստանցիներին հրահանգեց միմյանցից առնվազն մեկ մետր հեռավորություն պահել:
Աղբյուր՝ Ինտերֆաքս
