15:57 - ՊԵԿ քննչական վարչության պետի տեղակալը վարակվել է կորոնավիրուսով. Քննչական հրավիրվող քաղաքացիներն անհանգստացած են         15:56 - Հայ գիտնականների ստեղծած «Բիօքսիլ 2»-ը կարող է հաջողությամբ օգտագործվել COVID-19-ի դեմ պայքարում      15:55 - Մանկապարտեզի սաներից մեկի ընտանիքում կորոնավիրուս է հաստատվել, նա շփվել է խմբի 15 երեխայի հետ    

18 ապր 2020 13:02

Մարալիկում եւս 8 անձ վարակվել է կորոնավիրուսով.վարակման աղբյուրը պարզ չէ.քաղաքապետ

Մարալիկ քաղաքի հիվանդանոցի բուժանձնակազմի կորոնավիրուսով վարակվածների թիվը կարող է մեծանալ: Այս մասին NEWS.am-ին հայտնեց Մարալիկի քաղաքապետ Արտակ Գեւորգյանը:


Նա նշեց, որ այս պահին կա 10 հաստատված դեպք, նմուշառում է վերցվել եւս 60 հոգուց, դեռեւս ոչ պաշտոնական տվյալներով եւս 8 հոգու թեստի պատասխանը դրական է եղել:

«Բուժանձնակազմի հետ շփված անձինք մեկուսացված են, ընդանուր առմամբ քաղաքում ավելի խիստ միջոցներ են կիրառվում, դրսում գրեթե մարդիկ չկան, դեզինֆեկցիա են արվում փողոցներն ու շենքերի մուտքերը: Կոչ եմ անում մեր քաղաքացիներին դուրս չգալ եւ օգնել մեզ դուրս գալ այս վիճակից»,- ասաց նա:


Քաղաքապետի խոսքով` իրավիճակը նաեւ բարդ է այն առումով, որ վարակման աղբյուրը պարզ չէ. «Վարակը առաջին վարակված քաղաքացուց չի տարածվել»:

Մեկնաբանություններ

Համընկնող լուրեր